Իրանի դեմ ցանկացած ռազմական գործողություն կարժանանա անհապաղ և վճռական պատասխանի։ Այս մասին Tasnim գործակալությանը հայտնել է իրանցի ռազմական աղբյուրը։
Նրա խոսքով՝ ԱՄՆ-ի հնարավոր հարձակման դեպքում Թեհրանը պատասխան հարվածներ կհասցնի տարածաշրջանում տեղակայված ամերիկյան օբյեկտներին։ Աղբյուրը նշել է, որ Իրանի զինված ուժերը շարունակում են գտնվել բարձր մարտական պատրաստության վիճակում։
«Ամերիկացիների պատկերացումները «վերահսկվող սրման» և նախաձեռնությունը սեփական ձեռքը վերցնելու մասին պարզապես անհեթեթ են։ Իրանը չի հապաղի ամերիկացիներին պարտադրել նոր հաշվարկներ», — հայտարարել է ռազմական աղբյուրը։
Հայտարարությունը հնչել է Վաշինգտոնի և Թեհրանի միջև աճող լարվածության ֆոնին, երբ ԱՄՆ-ում քննարկվում են Իրանի նկատմամբ հնարավոր հետագա գործողությունների տարբերակները։ Փորձագետների գնահատմամբ՝ կողմերի կոշտ հռետորաբանությունը շարունակում է մեծացնել տարածաշրջանում իրավիճակի հետագա սրման մտահոգությունները։