Վարդան Բիչախչյանը կշարունակի գլխավորել Գյումրիի «Շիրակը», հաղորդում է ակումբի մամուլի ծառայությունը։
«Ակումբի և մարզչի միջև ձեռք բերված պայմանավորվածության համաձայն՝ Վարդան Բիչախչյանը կշարունակի աշխատանքը թիմում նաև գալիք մրցաշրջանում։
Հաջողություն ենք մաղթում Բիչախչյանին և հաղթական ընթացք»,- նշված է ակումբի հաղորդագրության մեջ։
48-ամյա մասնագետը մայիսին էր վերադարձել «Շիրակի» գլխավոր մարզիչի պաշտոնին` փոխարինելով Արսեն Հովհաննիսյանին։
Հիշեցնենք, որ Վարդան Բիչախչյանը «Շիրակը» գլխավորել է նաև 2009-2010 ու 2011-2020 թվականներին։