Մաղ դարձած մեքենաներ, սատկած կենդանիներ, վնասված տանիքներ․ Ստեփանավանի ավերիչ կարկուտը

Մաղ դարձած մեքենաներ, սատկած կենդանիներ, վնասված տանիքներ․ Ստեփանավանի ավերիչ կարկուտը

Մաղ դարձած մեքենաներ, սատկած կենդանիներ, վնասված տանիքներ․ Ստեփանավանի ավերիչ կարկուտը

Sputnik Արմենիա

Հունիսի 6-ին Ստեփանավանում տեղացած ավերիչ կարկուտը նյութական լուրջ վնաս է հասցրել հազարավոր քաղաքացիների։ Հունիսի 7–ի ԱԺ ընտրությունները որոշակիորեն շեղեցին… 10.06.2026, Sputnik Արմենիա

2026-06-10T20:04+0400

2026-06-10T20:04+0400

2026-06-10T20:12+0400

կարկուտ

ստեփանավան

վնաս

ավտոմեքենա

ոչխար

հեղինակներ

https://cdn.am.sputniknews.ru/img/07ea/06/0a/103351083_0:0:1280:720_1920x0_80_0_0_eea4cb25ace82b973c6cd17bcbe2d27e.jpg.webp

Շուրջ 20 րոպե ոչ թե ձվի, այլ խնձորի մեծությամբ ինտենսիվ կարկուտը Ստեփանավանում ոչնչացրել է բերքը, ջարդուփշուր արել մեքենաները, վնասել տների, շինությունների, բազմաբնակարան շենքերի տանիքները, արևային կայաններն ու ջրատաքացուցիչները։ Տարիքով ստեփանավանցիներն ապշահար են՝ կարկուտ շատ են տեսել, բայց նման չափի ու նման տևողության` չեն հիշում։Ասում են՝ հունիսի 6-ին արևոտ օր էր, հետո աստիճանաբար երկինքը մռայլվեց, սկսեցին ամպեր կուտակվել։ Անձրև սպասում էին, բայց նման բան մտքներով էլ չէր անցնի։ Կարկուտը սկսվեց անսպասելի ու այնքան ուժգին, որ չհասցրին ծածկել կամ ավտոտնակ մտցնել նույնիսկ բակերում կայանված ավտոմեքենաները։Կարկուտից անմիջապես հետո համայնքապետարանում ստեղծվել է շտաբ և վնասները գույքագրող հանձնաժողով՝ վնասներն արտակարգ ռեժիմով արձանագրելու համար։ Հենց կարկուտի օրը Ստեփանավանի համայնքապետարանը հայտնեց, որ կառավարությունը պատրաստ է փոխհատուցել վնասները։Ասում են՝ մինչև ուշ գիշեր բնակիչների հոսքը չէր դադարում, հաջորդող օրերին ևս։ Թեպետ մենք Ստեփանավանի համայնքապետարան էինք այցելել ավերիչ կարկուտից 4 օր անց, այնտեղ անցկացրած շուրջ 1 ժամվա ընթացքում քաղաքացիները շարունակում էին գալ, գրանցել վնասները, ցույց տալ լուսանկարներ, տեսանյութեր, հետաքրքրվել, թե երբ է փոխհատուցում սպասվում։ Քանի՞ քաղաքացի է տուժել․ համայնքապետարանում ասում են՝ թերևս ավելի հեշտ է չտուժածների թիվ ասել, համայնքապետարանում վնասները գրանցող աշխատակիցներն իրենք էլ բոլորը տուժածներ են՝ տների տանիքներ, ջրատաքացուցիչներ, այգիներ․․․ Ընդհանուր առմամբ, այս պահին միայն շուրջ 1300 վնասված տանիք կա, հարյուրավոր ավտոմեքենաներ, այդ թվում՝ շաբաթ-կիրակի օրերին Ստեփանավան հանգստանալու եկած երևանցիների (Ստեփանավանում սոճիների փոշոտման հետ կապված տուրիստական եռուն շրջան է, ուստի զբոսաշրջիկներ շատ են եղել–խմբ․)։ Սովորական ԱՊՊԱ պայմանագրով վնասները չեն փոխհատուցվում, եթե ավտոմեքենաները ԿԱՍԿՈ չունեն։Բացի քաղաքացիների կրած վնասներից, նաև համայնքն է տուժել՝ փողոցային լամպեր, մանկական խաղահրապարակ և այլն։ Նորակառույց կանգառներից մեկն անգամ շահագործման հանձնել չէին հասցրել, հիմա շինարարները սեփական նախաձեռնությամբ փոխարինում են կանգառի ջարդուփշուր եղած կտորները։ Շինարար Լևոն Խաչատրյանն ասում է՝ պատրաստվում էին արդեն կանգառը ծածկող ապակիները տեղադրել, լավ է՝ չէին հասցրել, թե չէ ապակիներն էլ էին փշուր-փշուր լինելու։Ավերիչ կարկուտը նաև կենդանիներին չի խնայել․ Արման Գալստյանի ընտանիքի եկամտի աղբյուրն անասնապահությունն է, շուրջ 1000 գլուխ ոչխար ունի։ Կարկուտի պահին ոչխարների հոտը դաշտում արածելիս է եղել, շուրջ 100-ը սատկել են, 20–ը վիրավոր են, ձիու 4 քուռակներին էլ չեն գտնում։Ասում է՝ նյութական վնասից բացի սիրտն է ցավում. կենդանիների մասին հոգ է տարել, խնամել, հիմա ձեռքը չի գնում` վիրավորներին մորթի, չնայած գիտի՝ նրանց մի մասը սատկելու են։Համայնքապետարանում վնասների գրանցումը շարունակվում է, դրանից հետո գնահատելու հերթն է գալու։ Այն, որ միլիոնների հետ գործ ունենք, ակնհայտ է, բայց անգամ մոտավոր հաշվարկ այս պահին դժվար է ներկայացնել, քանի որ ժամ առ ժամ նոր վնասների մասին է հայտնի դառնում։

ստեփանավան