Հնդկաստանի կողմից վերջերս պարտատոմսերի շուկայում իրականացված միջոցառումները նպատակ ունեն ապահովել երկրի ընդգրկումը Bloomberg Aggregate Bond Index-ում: Անանունության պայմանով այս մասին հայտնել է կառավարության պաշտոնյան։
Պաշտոնյայի խոսքով՝ Հնդկաստանի կառավարությունը ընդլայնում է ակտիվների վաճառքի ծրագրերը և ակնկալում է գերազանցել մինչև մարտ ավարտվող ֆինանսական տարվա համար սահմանված նպատակային ցուցանիշը։
Նա նաև նշել է, որ IDBI Bank-ում պետական բաժնեմասի նախատեսված վաճառքն «անշուշտ տեղի կունենա»։
Գերատեսչություններից մեկը պահանջում է մոտ երկու անգամ ավելի շատ ֆինանսավորում, քան նախատեսված էր դաշնային բյուջեով։ Պաշտոնյայի խոսքով՝ կառավարությունը հոկտեմբեր-նոյեմբեր ամիսներին կվերանայի ծախսերի առաջնահերթությունները։
Չնայած արտաքին տնտեսական դժվարություններին՝ Հնդկաստանի ՀՆԱ-ի աճը կպահպանվի նաև առաջին եռամսյակում:
Նա հավելել է, որ կառավարությունը նաև միջոցներ կձեռնարկի զուտ ուղղակի օտարերկրյա ներդրումների ներհոսքը մեծացնելու նպատակով։