Բանակում գնդերեցներ կշարունակե՞ն լինել. Պապիկյանի պարզաբանումը
Բաժանորդագրվեք Zarkerak.am-ի տելեգրամ ալիքին։
«Տեղի է ունեցել հետևյալը, պաշտպանության նախարարի հրամանաը փոփոխվել է և փոխվել է ծառայության բնույթը: Այսինքն՝ այն շահարկումները, որ հոգևոր ծառայությունը բանակում դադարեցվում է ճիշտ չէ, բանակում կարող է շարունակվել հոգևոր ծառայությունը, պարզապես նրանք պետք է ենթարկվեն ԶՈՒ բարոյահոգեբանական գծով վարչությանը, բանակում չի կարող լինել երկակի ենթակայություն»,- այս մասին ԱԺ-ում ճեպազրույցում ասաց Պաշտպանության նախարար Սուրեն Պապիկյանը՝ անդրադառնալով հարցին, թե արդյոք գնդերեցներն այլևս ծառայություն չեն իրականացնի բանակում:
Հարցին, թե արդյոք նրանց տրվում է 700 հազար դրամ աշխատավարձ և նաև կարգալույծ եղած հոգևորականներին են առաջարկում դառնալ գնդերեց, բարձր աշխավարձ են տալիս եկեղեցու վերնախավն ուրանալու համար, Պապիկյանն ընդգծեց.«Եթե ԶՈՒ-ում ծառայելն ինչ-որ մեկը համարում է ուրացում, դա իր անձնական գործն է: Բավարար աշխատավարձ կլինի, որը կտարբերվի նախկինում եղածից: Աշխատավարձի չափ չեմ կարող ասել, բայց կարող եմ ասել, որ նախարարի հրամանը բացահայտում է, որ այո մենք կարող ենք պայմանագիր կնքել Հայաստանում Հայ Առաքելական եկեղեցու հոգևոր կրթություն ունեցող սպասավորների հետ , որպեսզի նրանք ծառայեն և կատարեն իրենց առաքելությունը»: