Իլոն Մասկը պատրաստվում է դառնալ աշխարհի առաջին տրիլիոնատերը։ CNN-ի գնահատմամբ՝ խոսքը այնպիսի հսկայական կարողության մասին է, որի նմանը առևտրի և բիզնեսի պատմության ընթացքում երբևէ չի եղել։
Մասկը Tesla-ի գլխավոր տնօրենն է՝ մոտ 273 միլիարդ դոլարով:
Սակայն եթե SpaceX ընկերության՝ հրթիռատիեզերական և տեխնոլոգիական բիզնեսի, նախնական հրապարակային առաջարկը հաջորդ շաբաթ կայանա նախատեսվածի համաձայն, նրա կարողությունը կարող է ավելանալ ևս 841 միլիարդ դոլարով։ Մասկին կպատկանի SpaceX-ի բաժնետոմսերի գրեթե կեսը, իսկ IPO-ի շրջանակում ընկերության ընդհանուր գնահատականը կազմելու է մոտ 1.77 տրիլիոն դոլար։
Այսպիսով, միայն այս երկու հրապարակային ընկերությունների շնորհիվ Մասկի կարողությունը կարող է հասնել մոտ 1.11 տրիլիոն դոլարի։
Միևնույն ժամանակ, Մասկի կարողությունը հիմնականում «թղթային» է, շոչ թե բանկում պահվող կանխիկ գումար։ Դրա արժեքը կախված է նրանից, թե ապագայում ներդրողները ինչպես կգնահատեն Tesla-ի և SpaceX-ի բաժնետոմսերը։
1 տրիլիոն դոլար. այս չափի գումոր մեկ մարդու կյանքի ընթացքում որևէ ողջամիտ ձևով ծախսելը գործնականում անհնար է։
CNN-ը նշում է, որ եթե մարդը յուրաքանչյուր ժամ ծախսեր 1 միլիոն դոլար՝ օրական 24 ժամ և տարվա բոլոր օրերին, ապա 1 տրիլիոն դոլարը ծախսելու համար կպահանջվեր ավելի քան մեկ դար։
Չափերի իրական մասշտաբն ավելի լավ պատկերացնելու համար CNN-ը նշում է, որ շուտով աշխարհում կլինեն բազմաթիվ խոշոր ակտիվներ և ընկերություններ, որոնց արժեքը կլինի ավելի փոքր, քան Իլոն Մասկի անձնական կարողությունը։