Իսրայելը հայտնել է Իրանին հարվածելու մասին
Իսրայելի պաշտպանության ուժերը հայտարարել են Իրանի կենտրոնական և արևմտյան հատվածներում գտնվող ռազմական թիրախների վրա հարվածների մասին։
«Որոշ ժամանակ առաջ Իսրայելի ռազմաօդային ուժերը հարվածել են Իրանի արևմտյան և կենտրոնական հատվածներում գտնվող իրանական ահաբեկչական ռեժիմին պատկանող ռազմական թիրախներին», – հաղորդել է Telegram ալիքը։
Լրատվամիջոցները հաղորդում են, որ Իրանը բազմաթիվ հրթիռներ է բարձրացրել մարտական պատրաստվածության վիճակի։ Մի քանի պայթյուններ ցնցել են Թեհրանը, Թավրիզը, Սպահանը և Քարաջ շրջանը։
Սակայն, Axios-ը, հղում անելով ամերիկացի պաշտոնյայի, գրել է, որ այս հարձակումները սահմանափակ մասշտաբով են եղել։
Նախորդ երեկոյան Իրանը հարձակվել է Իսրայելի տարածքի վրա՝ ի պատասխան Բեյրութի արվարձանում ԻՊՈւ-ի կողմից վերջերս կատարված հարվածի։ ԻՀՊԿ-ի ավիատիեզերական ուժերը պարզաբանել են, որ թիրախը Ռամատ Դավթի ավիաբազան էր, որտեղից արձակվել են բալիստիկ հրթիռներ։