Հայաստանը կշարունակի Եվրամիության հետ մերձեցման կուրսը, ինչպես նաև մասնակցությունը ԵԱՏՄ-ին, հայտարարեց ՀՀ վարչապետ Նիկոլ Փաշինյանը
ԵՐԵՎԱՆ, 8 հունիսի․/ԱՌԿԱ/․ Հայաստանը կշարունակի Եվրամիության հետ մերձեցման կուրսը, ինչպես նաև մասնակցությունը ԵԱՏՄ-ին, հայտարարեց ՀՀ վարչապետ Նիկոլ Փաշինյանը։
«Մենք զարգացնելու ենք մեր հարաբերությունները ՌԴ-ի և ԵԱՏՄ մյուս երկրների հետ։ Մենք, անշուշտ, կնպաստենք ԵԱՏՄ շրջանակում կապերի ամրապնդմանը», – ասաց նա ԱԺ ընտրություններից հետո հրավիրված մամուլի ասուլիսում։
Պատասխանելով հարցին, թե արդյոք իրեն զանգահարել է արևմտյան քաղաքական գործիչներից որևէ մեկը, Փաշինյանն ասաց, որ 10 րոպե առաջ ոչ պաշտոնական զրույց է ունեցել Ֆրանսիայի նախագահ Էմանուել Մակրոնի և Վրաստանի վարչապետի հետ։
Մայիսի 9-ին ՌԴ նախագահ Վլադիմիր Պուտինը հայտարարել էր, որ Հայաստանը պետք է հնարավորինս շուտ կողմնորոշվի ԵՄ-ին կամ ԵԱՏՄ-ին մասնակցության հարցում՝ «քաղաքակիրթ ամուսնալուծության համար»։
Փաշինյանը հունիսի 1-ին հայտարարել էր, որ այսօր Հայաստանի ընտրությունը ԵԱՏՄ-ի և ԵՄ-ի միջև տեսական է, և այդ ընտրությունը հանրաքվեի դնելը հիմնավորված չէ՝ պարզաբանելով, որ քանի դեռ Հայաստանը պաշտոնապես չի դիմել Եվրամիությանը անդամակցության հայտով կամ շատ մոտ չէ ԵՄ անդամակցության թեկնածուի կարգավիճակին, որևէ հանրաքվե անցկացնելն անտրամաբանական է։