ԿԸՀ–ն հրապարակել է 153 ընտրատեղամասերի քվեարկության արդյունքները

ԵՐԵՎԱՆ, 8 հունիսի․/Նովոստի–Արմենիա/․ ԿԸՀ–ն ներկայացրել է ԱԺ ընտրությունների արդյունքները 153 ընտրատեղամասերից։

Քաղաքական ուժերը, որոնք այս պահին անցնում են խորհրդարան.

• 
  «Քաղաքացիական պայմանագիր» կուսակցություն – 56,65%

• 
  «Ուժեղ Հայաստան» դաշինք – 22,08%

• 
  «Հայաստան» դաշինք – 8,07%

• 
  «Բարգավաճ Հայաստան» կուսակցություն – 4,57% 

ԿԸՀ տեղեկատվությամբ՝ Հայաստանում գործում է 2005 ընտրատեղամաս։ Հայաստանի ընտրողների ռեգիստրում ընդգրկված է 2 503 976 մարդ։ 

Հայաստանում խորհրդարանական ընտրությունների համար մասնակցության նվազագույն շեմ սահմանված չէ։ Դա նշանակում է, որ ընտրությունները համարվում են կայացած՝ անկախ նրանից, թե քանի քաղաքացի է մասնակցել քվեարկությանը։

Հայաստանի Ազգային ժողովի ընտրություններում պատգամավորական մանդատների բաշխմանը թույլատրվում են այն կուսակցությունները և դաշինքները, որոնք հաղթահարել են օրենքով սահմանված անցողիկ շեմը. կուսակցությունների համար՝ 4%, երկու կուսակցությունից կազմված դաշինքների համար՝ 8%, երեք և ավելի կուսակցություններից կազմված դաշինքների համար՝ 10%։