Հրապարակվել են ԱԺ ընտրությունների էլեկտրոնային քվեարկության արդյունքները

ԵՐԵՎԱՆ, 8 հունիսի․/ԱՌԿԱ/․ ԿԸՀ նախագահ Վահագն Հովակիմյանը ներկայացրել է ԱԺ ընտրությունների էլեկտրոնային քվեարկության արդյունքները։

«Էլեկտրոնային եղանակով քվեարկելու իրավունք ունեցող քաղաքացիների թիվը կազմել է 537, էլեկտրոնային եղանակով քվեարկությանը մասնակցել է նրանցից 410-ը, անվավեր քվեաթերթիկների թիվը կազմել է 22», – հայտնել է նա։

• Ռեֆորմիստների կուսակցություն – 0

• «Բոլորին դեմ եմ» կուսակցություն – 5

• «Ուժեղ Հայաստան» դաշինք – 13;

• Հայաստանի շնորհապետական կուսակցություն – 5

• «Նոր ուժ» կուսակցություն – 3

• «Միասնության թևեր» կուսակցություն – 13

• «Բարգավաճ Հայաստան» կուսակցություն – 5

• «Ազգային-ժողովրդավարական բևեռ» կուսակցություն – 0

• «Քոչարի ազգային վերածնունդ և ազգի զարթոնք» կուսակցություն – 0

• «Հայ ազգային կոնգրես» կուսակցություն – 0

• «Հանրապետություն» կուսակցություն – 4

• Քրիստոնեա-ժողովրդավարական կուսակցություն – 0

• Ժողովրդավարական համախմբում» կուսակցություն – 1

• «Դեմոկրատիա օրենք, կարգապահություն» կուսակցություն (ԴՕԿ) – 1

• «Քաղաքացիական պայմանագիր» կուսակցություն – 330

• «Հայաստան» դաշինք – 8;

• «Հանուն Հանրապետության» կուսակցություն – 0

• «Լուսավոր Հայաստան» կուսակցություն – 1

ԿԸՀ անդամներն արձանագրությունը վավերացրել են ստորագրություններով և կնիքով։

Ըստ ժամանակացույցի՝ հունիսի 8-ի կեսգիշերից ԿԸՀ-ն կսկսի հրապարակել քվեարկության նախնական արդյունքներն՝ ըստ ընտրատեղամասերի։

Քվեարկության նախնական արդյունքները Կենտրոնական ընտրական հանձնաժողովի կողմից կամփոփվեն հունիսի 8-ին մինչև ժամը 20։00-ն՝ Հայաստանի հանրային հեռուստատեսության և Հանրային ռադիոյի ուղիղ եթերում։

ԿԸՀ տեղեկատվությամբ՝ Հայաստանում գործում է 2005 ընտրատեղամաս։ Հայաստանի ընտրողների ռեգիստրում ընդգրկված է 2 503 976 մարդ։

Հայաստանում խորհրդարանական ընտրությունների համար մասնակցության նվազագույն շեմ սահմանված չէ։ Դա նշանակում է, որ ընտրությունները համարվում են կայացած՝ անկախ նրանից, թե քանի քաղաքացի է մասնակցել քվեարկությանը։

Հայաստանի Ազգային ժողովի ընտրություններում պատգամավորական մանդատների բաշխմանը թույլատրվում են այն կուսակցությունները և դաշինքները, որոնք հաղթահարել են օրենքով սահմանված անցողիկ շեմը. կուսակցությունների համար՝ 4%, երկու կուսակցությունից կազմված դաշինքների համար՝ 8%, երեք և ավելի կուսակցություններից կազմված դաշինքների համար՝ 10%։