Հայաստանում ԵՄ դեսպանը հիշատակել է Օսիպյանի անունը
Հայաստանում ԵՄ դեսպան Վասիլիս Մարագոսը անդրադարձել է անազատության մեջ գտնվող Արթուր Օսիպյանին առնչվող գործին։
Նա X-ի իր միկրոբլոգում կիսվել էր Անահիտ Մանասյանի գրառմամբ՝ նշելով, որ ինքը աջակցում է ՄԻՊ դիրքորոշմանը ատելության խոսքի և կալանքի չարաշահման դեմ պայքարի անհրաժեշտության վերաբերյալ։
Հարցը քննարկվել է մարդու իրավունքների պաշտպան Անահիտ Մանասյանի և եվրոպացի դեսպանների հետ հանդիպման ժամանակ։ Հանդիպումից հետ Մանասյանը X-ում կիսվել էր արդյունքներով և գրել, որ քննարկվել են մարդու իրավունքները ընտրական գործընթացներում, ատելության խոսքի դեմ պայքարի անհրաժեշտությունը, «հայեցողական արդարադատությունը» բացառելը և քրեական հետապնդման միջոցների հավասար կիրառումն ապահովելու հարցը։
Արթուր Օսիպյան ձերբակալվել էր մայիսի 18-ին վարչապետի հետ բանավեճից հետո․ նա քարոզարշավի ընթացքում մոտեցել էր Փաշինյանին և հարցեր ուղղել Արցախի կարգավիճակի, բանակցային գործընթացի, ինչպես նաև Արցախի նախկին իշխանություններին Հայաստանի կողմից տրամադրված ֆինանսական աջակցության վերաբերյալ։
Կալանավորվելուց հետո Օսիպյանը հացադուլ է հայտարարել։