Ադրբեջանից Հայաստան է արտահանվել նավթամթերքի հերթական խմբաքանակը։
Ադրբեջանական լրատվամիջոցների փոխանցմամբ՝ Գյուզդեկ կայարանից Բոյուկ Քեսիկ կայարան է ուղարկվել դիզելային վառելիք տեղափոխող 42 երկաթուղային վագոն՝ ընդհանուր առմամբ 2475 տոննա։
Հիշեցնենք, որ Ադրբեջանից Հայաստան արդեն արտահանվել է ավելի քան 10,000 տոննա դիզելային վառելիք, 979 տոննա AI-92 բենզին և 2,955 տոննա AI-95 բենզին։