https://arm.sputniknews.ru/20260602/datakhazutjuny-pndum-e-araratcementi-hamar-dzevakan-atshurdner-en-arvel-102889099.html
Դատախազությունը պնդում է՝ «Արարատցեմենտի» համար ձևական աճուրդներ են արվել
Դատախազությունը պնդում է՝ «Արարատցեմենտի» համար ձևական աճուրդներ են արվել
Sputnik Արմենիա
Դատախազը Արարատ համայնքի, ընկերության և ընկերության աշխատակցի դեմ նոր հայցադիմումներ է ներկայացրել դատարան։ 02.06.2026, Sputnik Արմենիա
2026-06-02T11:35+0400
2026-06-02T11:35+0400
2026-06-02T11:37+0400
հայաստան
հհ դատախազություն
գործարան
դատարան
արարատցեմենտ
աճուրդ
https://cdn.am.sputniknews.ru/img/1808/32/18083294_0:84:1601:984_1920x0_80_0_0_cab7e5458a600d2a5130cdcc9707d709.jpg.webp
ԵՐԵՎԱՆ, 2 հունիսի – Sputnik. ՀՀ դատախազությունը պնդում է, որ «Արարատցեմենտի» մասնավորեցման գործընթացում նոր խախտումներ են հայտնաբերվել։Ըստ հաղորդագրության՝ Արարատ համայնքի նախկին ղեկավար Ա.Բ.-ն, «Արարատցեմենտի» աշխատակցի օժանդակությամբ իր պաշտոնեական դիրքը ծառայության շահերին հակառակ օգտագործելով, խախտել է մի շարք օրենսդրական պահանջներ: Մասնավորապես 2009 թվականի սեպտեմբերի 22-ին, ձևական աճուրդների եղանակով ընկերությանն է օտարել համայնքին որպես արոտավայր փոխանցված, 74.1 հա մակերեսով հողամասերը:Դատախազը մայիսի 27-ին ներկայացրել է հանցանքի մասին հաղորդում, որը հասցեագրվել է Հակակոռուպցիոն կոմիտեին՝ վարույթ նախաձեռնելու հարցը լուծելու համար:Նույն օրը դատախազության կողմից հայցադիմում է ներկայացվել Հակակոռուպցիոն դատարան ընդդեմ Արարատ համայնքի, «Արարատցեմենտ» ընկերության և ընկերության աշխատակից Ա.Ա.-ի՝ աճուրդներն անվավեր ճանաչելու և անվավերության հետևանքներ կիրառելու պահանջով։Ուսումնասիրություններն ընթացքի մեջ են:ՀԻշեցնենք` «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը Լոռու մարզի Շնող համայնքում քարոզարշավի ժամանակ հայտարարեց, որ շատ շուտով ԲՀԿ ղեկավարի` Գագիկ Ծառուկյանի բիզնես- ողնաշարը` Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը, նշանակվելու է ժամանակավոր կառավարիչ։ Ավելի ուշ Ծառուկյանն արձագանքեց այս հայտարարությանը` նշելով, որ եթե գործող իշխանությունը խլի գործարանը, դրա պատասխանը տալու է ամբողջ պետությունը, քանի որ դա մասնավոր սեփականություն է։
2026
Լուրեր
am_HY
https://cdn.am.sputniknews.ru/img/1808/32/18083294_88:0:1511:1067_1920x0_80_0_0_033c05c3780aa0b49ae481fc703902f9.jpg.webp
հայաստան, հհ դատախազություն, գործարան, դատարան, արարատցեմենտ, աճուրդ
հայաստան, հհ դատախազություն, գործարան, դատարան, արարատցեմենտ, աճուրդ
Դատախազը Արարատ համայնքի, ընկերության և ընկերության աշխատակցի դեմ նոր հայցադիմումներ է ներկայացրել դատարան։
Ըստ հաղորդագրության՝ Արարատ համայնքի նախկին ղեկավար Ա.Բ.-ն, «Արարատցեմենտի» աշխատակցի օժանդակությամբ իր պաշտոնեական դիրքը ծառայության շահերին հակառակ օգտագործելով, խախտել է մի շարք օրենսդրական պահանջներ: Մասնավորապես 2009 թվականի սեպտեմբերի 22-ին, ձևական աճուրդների եղանակով ընկերությանն է օտարել համայնքին որպես արոտավայր փոխանցված, 74.1 հա մակերեսով հողամասերը:
Դատախազը մայիսի 27-ին ներկայացրել է հանցանքի մասին հաղորդում, որը հասցեագրվել է Հակակոռուպցիոն կոմիտեին՝ վարույթ նախաձեռնելու հարցը լուծելու համար:
Նույն օրը դատախազության կողմից հայցադիմում է ներկայացվել Հակակոռուպցիոն դատարան ընդդեմ Արարատ համայնքի, «Արարատցեմենտ» ընկերության և ընկերության աշխատակից Ա.Ա.-ի՝ աճուրդներն անվավեր ճանաչելու և անվավերության հետևանքներ կիրառելու պահանջով։
Ուսումնասիրություններն ընթացքի մեջ են: