Ֆրանսիայի նախագահ Էմանուել Մակրոնը հյուրընկալել է երկրորդ տարին անընդմեջ Չեմպիոնների լիգայի գավաթակիր դարձած ՊՍԺ-ին։
Փարիզում չեմպիոնական շքերթի մասնակցելուց հետո ֆուտբոլիստները գլխավոր եվրագավաթի գավաթով եղել են Ելիսեյան պալատում։
ՊՍԺ-ի եզրային հարձակվող Խվիչա Կվարացխելիան էլ ճանաչվել է Չեմպիոնների լիգայի ավարտված մրցաշրջանի լավագույն ֆուտբոլիստ, հաղորդում է մրցաշարի մամուլի ծառայությունը։
Այս մրցաշրջանում Վրաստանի հավաքականի աստղը ՉԼ-ում մասնակցել է 16 հանդիպման, դարձել է 10 գոլի ու 6 գոլային փոխանցման հեղինակ։
Հիշեցնենք, որ եզրափակիչում ֆրանսիական ակումբը հետխաղային 11-մետրանոցներով հաղթել էր Անգլիայի նորընծա չեմպիոն Լոնդոնի «Արսենալին»։