https://arm.sputniknews.ru/20260528/elektrvonajin-pastatghtashrjanarutjuny-zgali-knvazecni-eatmum-pvokhadrumneri-arzheqy-102741859.html
Էլեկտրոնային փաստաթղթաշրջանառությունը զգալի կնվազեցնի ԵԱՏՄ–ում փոխադրումների արժեքը
Էլեկտրոնային փաստաթղթաշրջանառությունը զգալի կնվազեցնի ԵԱՏՄ–ում փոխադրումների արժեքը
Sputnik Արմենիա
2022 թվականից հետո ԵԱՏՄ երկրները կարողացել են կարգավորել այլընտրանքային առևտրային երթուղիներ, այժմ անհրաժեշտ է եվրասիական հնգյակի երկրների միջև տվյալների… 28.05.2026, Sputnik Արմենիա
2026-05-28T18:47+0400
2026-05-28T18:47+0400
2026-05-28T18:48+0400
եվրասիական տնտեսական միություն (եատմ)
բեռնափոխադրում
վիտտորիա իդրիսովա
https://cdn.am.sputniknews.ru/img/07ea/05/1c/102741068_0:50:1600:950_1920x0_80_0_0_8f34b2db5301a06658b02535c933d9b3.jpg.webp
ԵՐԵՎԱՆ, 28 մայիսի – Sputnik. Էլեկտրոնային փաստաթղթաշրջանառությունը թույլ կտա 10-20%-ով կրճատել ԵԱՏՄ-ում բեռնափոխադրումների ժամանակը և արժեքը: Sputnik Արմենիա մուլտիմեդիոն կենտրոնի միացմամբ Մոսկվա-Աստանա-Մինսկ-Երևան-Բիշքեկ տեսակամրջի ժամանակ այս մասին ասաց ՌԴ տնտեսական զարգացման նախարարության արտաքին առևտրի Համառուսաստանյան ակադեմիայի ռեկտոր Վիտտորիա Իդրիսովան։Փաստաթղթերի ստուգմամբ պայմանավորված՝ ԵԱՏՄ մի երկրից մյուսը տեղափոխվող բեռնատար տրանսպորտը ժամանակ է ծախսում սահմաններին, ինչը, բնականաբար, մեծացնում է ֆինանսական ծախսերը։ Իդրիսովայի խոսքով՝ առաքվող բեռների մասին տեղեկությունների էլեկտրոնային փոխանակումը զգալիորեն կկրճատի սպասման ժամանակը, ինչը կարևոր է նաև շուտ փչացող մթերքի համար։Նա նշեց, որ 2022 թվականից և արևմտյան պատժամիջոցների կիրառումից հետո ԵԱՏՄ երկրները կարողացել են կառուցել այլընտրանքային առևտրային երթուղիներ և կոոպերացիոն արտադրություն։Նա նշեց, որ ԵԱՏՄ անդամակցությունը բարձրացնում է միության երկրների ՀՆԱ-ի աճի տեմպերը տարեկան 3-10%-ի չափով, այդ թվում՝ փոխադարձ առեւտրի աճի շնորհիվ։ Միության գոյության 10 տարվա ընթացքում այն կրկնապատկվել է (2025 թվականի արդյունքներով կազմելով 95,1 մլրդ դոլար-խմբ.):Հիշեցնենք, որ մուլտիմոդալ փոխադրումների համար նախատեսված էլեկտրոնային բեռնագրերը (իրականացվում են ըստ տրանսպորտի տեսակների) Ռուսաստանում գործարկվեցին 2025 թվականի սեպտեմբերի 1-ից։ Ապրիլի վերջին ԵԱՏՄ երկրները պայմանավորվեցին միության ամբողջ տարածքում փորձարկել էլեկտրոնային բեռնագրերի այս տեսակը։ Դրանց կիրառմամբ փորձնական փոխադրումները պետք է անցկացվեն 2026 թվականի առաջին կիսամյակում։Մուլտիմոդալ փոխադրումների ուղղությամբ շարունակում ենք աշխատանքը Հայաստանի հետ. ԵՏՀ նախարար
2026
Լուրեր
am_HY
https://cdn.am.sputniknews.ru/img/07ea/05/1c/102741068_202:0:1551:1012_1920x0_80_0_0_9033be75b796750de3517f3e512b241b.jpg.webp
եվրասիական տնտեսական միություն (եատմ), բեռնափոխադրում, վիտտորիա իդրիսովա
եվրասիական տնտեսական միություն (եատմ), բեռնափոխադրում, վիտտորիա իդրիսովա
2022 թվականից հետո ԵԱՏՄ երկրները կարողացել են կարգավորել այլընտրանքային առևտրային երթուղիներ, այժմ անհրաժեշտ է եվրասիական հնգյակի երկրների միջև տվյալների էլեկտրոնային փոխանակման հաշվին դրանք դարձնել առավելագույնս անխափան։
Փաստաթղթերի ստուգմամբ պայմանավորված՝ ԵԱՏՄ մի երկրից մյուսը տեղափոխվող բեռնատար տրանսպորտը ժամանակ է ծախսում սահմաններին, ինչը, բնականաբար, մեծացնում է ֆինանսական ծախսերը։ Իդրիսովայի խոսքով՝ առաքվող բեռների մասին տեղեկությունների էլեկտրոնային փոխանակումը զգալիորեն կկրճատի սպասման ժամանակը, ինչը կարևոր է նաև շուտ փչացող մթերքի համար։
Նա նշեց, որ 2022 թվականից և արևմտյան պատժամիջոցների կիրառումից հետո ԵԱՏՄ երկրները կարողացել են կառուցել այլընտրանքային առևտրային երթուղիներ և կոոպերացիոն արտադրություն։
«Եվրասիական միությունն ապացուցել է, որ կարող է աշխատել նաև ոչ ստանդարտ պայմաններում, ընդ որում՝ ոչ թե նվազեցնելով, այլ նույնիսկ բարձրացնելով զարգացման տեմպերը», – ընդգծեց Իդրիսովան։
Նա նշեց, որ ԵԱՏՄ անդամակցությունը բարձրացնում է միության երկրների ՀՆԱ-ի աճի տեմպերը տարեկան 3-10%-ի չափով, այդ թվում՝ փոխադարձ առեւտրի աճի շնորհիվ։ Միության գոյության 10 տարվա ընթացքում այն կրկնապատկվել է (2025 թվականի արդյունքներով կազմելով 95,1 մլրդ դոլար-խմբ.):
Հիշեցնենք, որ մուլտիմոդալ փոխադրումների համար նախատեսված էլեկտրոնային բեռնագրերը (իրականացվում են ըստ տրանսպորտի տեսակների) Ռուսաստանում գործարկվեցին 2025 թվականի սեպտեմբերի 1-ից։ Ապրիլի վերջին ԵԱՏՄ երկրները պայմանավորվեցին միության ամբողջ տարածքում փորձարկել էլեկտրոնային բեռնագրերի այս տեսակը։ Դրանց կիրառմամբ փորձնական փոխադրումները պետք է անցկացվեն 2026 թվականի առաջին կիսամյակում։