Քաղաքականություն
25.05.2026 | 23:38
«Իրազեկ քաղաքացիների միավորումը» հայտարարել է, որ մայիսի 25-ին Գյումրիի Վարդանանց հրապարակում անցկացված «Քաղաքացիական պայմանագիր» կուսակցության հանրահավաքին, ժամը 21:08-ի դրությամբ, մասնակցել է շուրջ 7700 մարդ։ Մասնակիցների հաշվարկն իրականացվել է աերոնկարահանման և անհատական հաշվարկի մեթոդով։
«Այսօր՝ մայիսի 25-ին, Գյումրիի Վարդանանց հրապարակում ժամը 20:00-ից մեկնարկել էր «Քաղաքացիական պայմանագիր» կուսակցության հանրահավաքը:
«Իրազեկ քաղաքացիների միավորումն» աերոնկարահանման միջոցով իրականացրել է հանրահավաքի մասնակիցների հաշվարկ, որի արդյունքում պարզվել է, որ 21:08-ի դրությամբ հրապարակում և հարակից տարածքներում գտնվել է շուրջ 7700 մարդ:
Հաշվարկն իրականացվել է մասնակիցների անհատական հաշվարկի միջոցով։
Լուսանկարը բարձր որակով հասանելի է այստեղ:
Մեր հաշվարկը ստուգելու նպատակով մարդկանց անհատականացնող կետերով նկարը կարելի է ներբեռնել այստեղից։
Հաշվարկը ստուգելու մանրամասն ձևը նկարագրված է այստեղ»,- ասվում է հաղորդագրությունում: