Պակիստանը ցանկանում է, որ Չինաստանը հանդես գա որպես ԱՄՆ-Իրան հնարավոր համաձայնագրի երաշխավոր, հաղորդել է «Al Hadath»-ը՝ հղում անելով աղբյուրներին։
Իսլամաբադը ձգտում է Պեկինի ավելի ակտիվ մասնակցությանը երկու երկրների միջև պատերազմի շուրջ դիվանագիտական գործընթացում։ Հեռուստաալիքի տվյալներով՝ Պակիստանի բանակի հրամանատար Ասիմ Մունիրը միացել է վարչապետ Շեհբազ Շարիֆին Չինաստանի վարչապետ Լի Ծյանի հետ հանդիպմանը։
Ավելի վաղ չինական պետական լրատվամիջոցները հայտնել էին, որ Շարիֆը Պեկինում բանակցություններ է վարել նաև Չինաստանի նախագահ Սի Ցզինպինի հետ։
Չինաստանը հայտարարել է Պակիստանի հետ համագործակցելու իր պատրաստակամության մասին՝ «Մերձավոր Արևելքում խաղաղությունն ու կայունությունը շուտով վերականգնելու» համար։ Պակիստանի վարչապետի այցը Չինաստան տեղի է ունենում ԱՄՆ-ի և Իրանի միջև համաձայնության հասնելու դիվանագիտական ջանքերի ֆոնին։