Բաժանորդագրվեք araratnews-ի տելեգրամ ալիքին։
Araratnews-ը Ադրբեջանից չորս հայ գերիների վերադարձի հետ կապված դիմել էր ՀՀ արտաքին գործերի նախարարությանը հարցնելով՝ արդյոք նրանց վերադարձը եղել է երկկողմ բանակցությունների արդյունք, թե գործընթացում ներգրավված է եղել մեկ այլ՝ երրորդ երկիր։
Ի պատասխան մեր հարցման՝ կառույցից հայտնել են, որ չորս գերիների վերադարձն իրականացվել է Հայաստանի Հանրապետության և Ադրբեջանի Հանրապետության միջև ձեռք բերված ուղիղ համաձայնությամբ՝ այս ուղղությամբ շարունակական ջանքերի և Վաշինգտոնյան պայմանավորվածությունների արդյունքում հաստատված խաղաղության պայմաններում փոխադարձ վստահության ամրապնդման գործողությունների շրջանակներում։