ՀՕՊ ուժերը Իրանի հարավում իսրայելական ԱԹՍ են խոցել

Բաժանորդագրվել

Հրապարակման մեջ նշվում է, որ իսրայելական անօդաչու թռչող սարքը հետախուզական առաջադրանք էր կատարում։

ԵՐԵՎԱՆ, 24 մայիսի – Sputnik. Իրանական ՀՕՊ համակարգերը Իրանի հարավում գտնվող Հորմոզգան նահանգի երկնքում իսրայելական ԱԹՍ են խոցել։ Այս մասին հայտնում է Mehr գործակալությունը։

«Իսրայելական անօդաչու թռչող սարքը, որը հետախուզական առաջադրանք էր կատարում, խոցվել է Իրանի բանակի ՀՕՊ միջոցներով»,-ասված է հաղորդագրության մեջ:

Գործակալությունը հստակեցրել է, որ ԱԹՍ-ն խոցվել է Իրանի հարավում գտնվող Հորմոզգան նահանգի օդում։

ԱՄՆ-ն և Իսրայելը փետրվարի 28-ին սկսել էին հարվածներ հասցնել Իրանի տարածքում գտնվող օբյեկտներին, ինչի հետևանքով ագրեսիայի զոհ էր դարձել ավելի քան 3 հազար մարդ։ Վաշինգտոնն ու Թեհրանը ապրիլի 8-ին հայտարարեցին հրադադարի մասին։ Դրանից հետո Իսլամաբադում կայացած բանակցություններն ավարտվեցին անարդյունք, ընդ որում՝ մարտական գործողությունների վերսկսման մասին չէր հաղորդվում, սակայն Միացյալ Նահանգները սկսեց իրանական նավահանգիստների շրջափակումը։

Leave a comment