Պակիստանի միջնորդությամբ Իրանը համաձայնության է եկել «փոխըմբռնման հուշագրի» տեքստի շուրջ և այժմ սպասում է ԱՄՆ-ի պատասխանին, հայտնել է «Ալ Ջազիրա»-ն։
Իրանցի պաշտոնյան ասել է, որ հուշագիրը ներառում է «պատերազմի ավարտի, պաշարման վերացման, Հորմուզի նեղուցում նավագնացության վերսկսման և ԱՄՆ զորքերի մարտական գոտուց դուրսբերման» դրույթներ։
Պաշտոնյան բացատրել է, որ համաձայնագիրը չի լուծում միջուկային հարցերը, քանի որ այդ հարցերը «բարդ են և պահանջում են բավարար ժամանակ բանակցությունների համար», սակայն նշել է, որ միջուկային բանակցությունների ճանապարհը կարող է բացվել համաձայնագրի ուժի մեջ մտնելուց 30 օր անց։
Սկզբում Պակիստանի բանակի հրամանատար Ասիմ Մունիրը պետք է հայտարարեր Թեհրանից հուշագրի ստորագրման մասին, սակայն նա մեկնել է Վաշինգտոնի հետ համաձայնեցնելու համար։
Աղբյուրը նաև հավելել է, որ Կատարը կարևոր դեր է խաղացել հուշագրի մշակման և միջնորդների ու ԱՄՆ-ի միջև շփումների խթանման գործում՝ միաժամանակ ընդգծելով, որ Իրանը «չի կարող ավելի մեծ զիջումներ անել, քան արդեն իսկ արձանագրված են փոխըմբռնման հուշագրում»։