ՌԴ Բրյանսկի մարզում մեքենային Ուկրաինայի ԶՈւ անօդաչուի հարվածից կին է մահացել

Բաժանորդագրվել

Մարզպետի ժամանակավոր պաշտոնակատարը վստահեցրել է, որ զոհվածի ընտանիքը կստանա անհրաժեշտ աջակցությունն ու ֆինանսական օգնությունը։

ԵՐԵՎԱՆ, 22 մայիսի – Sputnik. ՌԴ Բրյանսկի մարզի Սևսկ քաղաքում մեքենային Ուկրաինայի զինված ուժերի անօդաչու թռչող սարքի հարվածից մեկ կին զոհվել է, ևս մեկը՝ վիրավորվել, հայտնել է մարզպետի ժամանակավոր պաշտոնակատար Եգոր Կովալչուկը։

«Ուկրաինացի ահաբեկիչները Սևսկում «Դարթս» անօդաչու թռչող սարքով թիրախային հարված են հասցրել քաղաքացիական մեքենային։ Ահաբեկչական հարձակման հետևանքով, ցավոք, խաղաղ բնակիչ է զոհվել։ Մեքենայի վարորդը բեկորային վնասվածքներ է ստացել», – գրել է Կովալչուկը Telegram-ում։

Պաշտոնյայի խոսքով՝ վիրավոր կինը հիվանդանոց է տեղափոխվել, որտեղ նրան անհրաժեշտ բուժօգնություն է ցուցաբերվել։

Մարզպետի ժամանակավոր պաշտոնակատարը ցավակցություն է հայտնել զոհվածի հարազատներին և վստահեցրել է, որ ընտանիքը անհրաժեշտ աջակցություն ու ֆինանսական օգնություն կստանա։

Leave a comment