https://arm.sputniknews.ru/20260521/mvot-130-hajkakan-gininer-en-nerkajacvats-erevanjan-mijazgajin-mrcujt-hamtesin-102457005.html
Մոտ 130 հայկական գինիներ են ներկայացված երևանյան միջազգային մրցույթ-համտեսին
Մոտ 130 հայկական գինիներ են ներկայացված երևանյան միջազգային մրցույթ-համտեսին
Sputnik Արմենիա
Հայաստանը հյուրերին հետաքրքրում է առաջին հերթին իր նորույթով՝ տեղական գինիներով, որոնք պատրաստված են աշխարհում քիչ հայտնի սորտերից։ 21.05.2026, Sputnik Արմենիա
2026-05-21T17:50+0400
2026-05-21T17:50+0400
2026-05-21T17:50+0400
գինի
գեղեցկության մրցույթ
հայաստան
https://cdn.am.sputniknews.ru/img/07e7/08/06/64004292_0:41:1600:941_1920x0_80_0_0_edbb9418802f8c6fc4c73a05bfb6db53.jpg.webp
ԵՐԵՎԱՆ, 21 մայիսի – Sputnik. Երևանում անցկացվող «Concours Mondial de Bruxelles» գինու միջազգային մրցույթ-համտես-փառատոնին ժամանել են մասնագետներ 65 երկրներից: Այս մասին այսօր լրագրողների հետ հանդիպման ժամանակ հայտարարեց Հայաստանի խաղողագործության և գինեգործության հիմնադրամի նախագահ Զարուհի Մուրադյանը։Նրա խոսքով՝ ընդհանուր առմամբ մրցույթին կներկայացվի մոտ 8 հազար գինի, որից մոտ 130-ը հայկական են։ Տեղական արտադրողների համար կարևոր է, որ գնահատումը զուգակցվի յուրատեսակ խորհրդատվությամբ: Մուրադյանը նշեց, որ համտես իրականացնող միջազգային սոմելիեները ոչ միայն գնահատականներ կտան, այլև կբացատրեն, թե ինչու է իրենց դուր եկել կամ դուր չի եկել այս կամ այն գինին:Ցուցահանդեսին ժամանել են շուկայի փորձագետներ, «գինու լրագրողներ», բլոգերներ, սոմելիեներ, ինչպես նաև տարբեր երկրներից տարբեր խանութների և առևտրային ցանցերի գնումների շուրջ 120 մասնագետներ: Նրանց թվում են ինչպես ավանդական, այնպես էլ զարգացող շուկաների ներկայացուցիչներ, ինչպես, օրինակ, խոշոր դիստրիբյուտոր Աֆրիկայից:Ծրագիրը փորձել են հյուրերի համար դարձնել առավել հագեցած։ Սովորաբար նշված մրցույթը տևում է 4 օր, սակայն հայկական կողմը խնդրել է լրացուցիչ 1 օր՝ որպեսզի կազմակերպի էքսկուրսիա դեպի Վայոց Ձոր՝ տարածաշրջան, որը հայտնի է գինեգործության հարուստ ավանդույթներով և տեղական խաղողատեսակներով (որոնք տարբերվում են աշխարհում տարածված տեսակներից):Իր հերթին էկոնոմիկայի նախարար Գևորգ Պապոյանը նշեց, որ միջոցառման հյուրերը (ներառյալ լրագրողներն ու բլոգերները) արդեն սկսել են սոցցանցերում ու մամուլում հրապարակումներ անել հայաստանյան շրջագայություններից, որոնք տասնյակ և հարյուր հազարավոր դիտումներ են հավաքել:Նշենք, որ հայկական գինու արտահանման ծավալի ավելի քան 70 %-ը բաժին է ընկնում Ռուսաստանին։
2026
Լուրեր
am_HY
https://cdn.am.sputniknews.ru/img/07e7/08/06/64004292_180:0:1600:1065_1920x0_80_0_0_6fe1ad3509afe5f043602e1899b0efcb.jpg.webp
գինի, գեղեցկության մրցույթ, հայաստան
գինի, գեղեցկության մրցույթ, հայաստան
Հայաստանը հյուրերին հետաքրքրում է առաջին հերթին իր նորույթով՝ տեղական գինիներով, որոնք պատրաստված են աշխարհում քիչ հայտնի սորտերից։
ԵՐԵՎԱՆ, 21 մայիսի – Sputnik. Երևանում անցկացվող «Concours Mondial de Bruxelles» գինու միջազգային մրցույթ-համտես-փառատոնին ժամանել են մասնագետներ 65 երկրներից: Այս մասին այսօր լրագրողների հետ հանդիպման ժամանակ հայտարարեց Հայաստանի խաղողագործության և գինեգործության հիմնադրամի նախագահ Զարուհի Մուրադյանը։
Նրա խոսքով՝ ընդհանուր առմամբ մրցույթին կներկայացվի մոտ 8 հազար գինի, որից մոտ 130-ը հայկական են։ Տեղական արտադրողների համար կարևոր է, որ գնահատումը զուգակցվի յուրատեսակ խորհրդատվությամբ: Մուրադյանը նշեց, որ համտես իրականացնող միջազգային սոմելիեները ոչ միայն գնահատականներ կտան, այլև կբացատրեն, թե ինչու է իրենց դուր եկել կամ դուր չի եկել այս կամ այն գինին:
Ցուցահանդեսին ժամանել են շուկայի փորձագետներ, «գինու լրագրողներ», բլոգերներ, սոմելիեներ, ինչպես նաև տարբեր երկրներից տարբեր խանութների և առևտրային ցանցերի գնումների շուրջ 120 մասնագետներ: Նրանց թվում են ինչպես ավանդական, այնպես էլ զարգացող շուկաների ներկայացուցիչներ, ինչպես, օրինակ, խոշոր դիստրիբյուտոր Աֆրիկայից:
Ծրագիրը փորձել են հյուրերի համար դարձնել առավել հագեցած։ Սովորաբար նշված մրցույթը տևում է 4 օր, սակայն հայկական կողմը խնդրել է լրացուցիչ 1 օր՝ որպեսզի կազմակերպի էքսկուրսիա դեպի Վայոց Ձոր՝ տարածաշրջան, որը հայտնի է գինեգործության հարուստ ավանդույթներով և տեղական խաղողատեսակներով (որոնք տարբերվում են աշխարհում տարածված տեսակներից):
«Տեղական ինքնատիպությամբ է, որ մեր գինիներն առաջին հերթին հետաքրքրում են արտասահմանյան գործընկերներին։ Նրանք տպավորվել են նաև Վայոց Ձորում տեսած կարասներով, դրանց պատրաստման տեխնոլոգիայով ու դրանց միջոցով հնեցված գինիներով։ Բայց, իհարկե, հյուրերին ներկայացնում ենք նաև մեր մյուս գինեգործական շրջանները և գինեգործության ժամանակակից տեխնոլոգիաները», – նշեց Մուրադյանը։
Իր հերթին էկոնոմիկայի նախարար Գևորգ Պապոյանը նշեց, որ միջոցառման հյուրերը (ներառյալ լրագրողներն ու բլոգերները) արդեն սկսել են սոցցանցերում ու մամուլում հրապարակումներ անել հայաստանյան շրջագայություններից, որոնք տասնյակ և հարյուր հազարավոր դիտումներ են հավաքել:
Նշենք, որ հայկական գինու արտահանման ծավալի ավելի քան 70 %-ը բաժին է ընկնում Ռուսաստանին։