Իրանն ամրապնդել է իր փաստացի վերահսկողությունը Հորմուզի նեղուցի նկատմամբ՝ ստեղծելով ռազմական անցակետեր, ներդնելով նավերի ստուգումներ, հատուկ դիվանագիտական արձանագրություններ և, որոշ դեպքերում, «անվտանգության վճարներ»՝ անվտանգ անցում ապահովելու համար։
Reuters-ն այս մասին հաղորդել է 20 աղբյուրի հղումով, այդ թվում՝ Ասիայի և Եվրոպայի բեռնափոխադրող ընկերությունների ներկայացուցիչներին, ինչպես նաև Իրանի և Իրաքի պաշտոնատար անձանց:
Զեկույցում ասվում է, որ Իսլամական հեղափոխության պահապանների կորպուսը (ԻՀՊԿ) կենտրոնական դեր է խաղում նոր բազմամակարդակ տարանցիկ համակարգում, որը նախապատվություն է տալիս նավերին, որոնք կապված են այնպիսի դաշնակիցների հետ, ինչպիսիք են Չինաստանը և Ռուսաստանը, մինչդեռ մյուս նավերի համար կարող են պահանջել միջկառավարական համաձայնագրեր կամ վճարումներ՝ անցնելու համար:
Նավագնացության ոլորտում եվրոպական երկու աղբյուրի համաձայն՝ որոշ նավեր, որոնք ընդգրկված չեն միջկառավարական գործարքներում, Իրանի իշխանություններին վճարում են ավելի քան 150 հազար դոլար՝ ապահովելու անվտանգ անցումը Հորմուզի նեղուցով:
Նավերից երբեմն գանձվում են անվտանգության և նավիգացիայի վճարներ, որոնց չափը տատանվում է՝ կախված բեռից: Այս մասին հայտնել է իրանցի երկու բարձրաստիճան պաշտոնյա՝ հավելելով, որ «այդ վճարները չեն տարածվում բոլոր երկրների վրա»: