Թուրքիայի ԱԳ նախկին նախարար Չավուշօղլուի եղբայրը մահացել է Ալանիայում վիրավորվելուց հետո

Բաժանորդագրվել

Այդըն Չավուշօղլուն Ալանիայում հայտնի էր իր բարեգործական գործունեությամբ և հարգված էր տեղի բնակիչների կողմից։

ԵՐԵՎԱՆ, 17 մայիսի — Sputnik. Թուրքիայի նախկին արտգործնախարար Մևլութ Չավուշօղլուի եղբայրը` Այդըն Չավուշօղլուն, մահացել է հիվանդանոցում՝ ծանր վիրավորումից 12 օր անց։ Այս մասին հաղորդում է ՌԻԱ Նովոստին՝ հղում անելով Ekonomim թերթին։

«52-ամյա գործարարը մայիսի 5-ին ծանր վիրավոր վիճակում հայտնաբերվել իր գրասենյակում՝ Թուրքիայի Ալանիա քաղաքի բենզալցակայանի տարածքում։ Առաջին բուժօգնություն ստանալուց հետո նրան շտապ վիրահատել են։ Սակայն նա այսօր մահացել է», – հաղորդում է թերթը։

Թերթը նշում է, որ Այդին Չավուշօղլուն Ալանիայում հայտնի է եղել իր բարեգործական գործունեությամբ և հարգանք է վայելել տեղի բնակիչների շրջանում:

Միջադեպից հետո Թուրքիայի նախկին արտգործնախարար Մևլութ Չավուշօղլուն ընդհատել է արտասահմանյան այցը Ղազախստան և վերադարձել երկիր:

Պարբերականի տեղեկություններով՝ Ալանիայի դատախազությունը երկու դատախազ է նշանակել միջադեպը հետաքննելու համար։

Այդըն Չավուշօղլուի հուղարկավորությունը տեղի կունենա մայիսի 18-ին Ալանիայի Թյուրքլեր շրջանի կենտրոնական գերեզմանատանը:

Leave a comment