Քաղաքականություն
08.05.2026 | 21:03
«Իրազեկ քաղաքացիների միավորումը» հայտնել է, որ մայիսի 8-ին Էջմիածնում «Հայաստան» դաշինքի նախընտրական մեկնարկային հանրահավաքին աերոնկարահանման և անհատական հաշվարկի արդյունքում արձանագրվել է շուրջ 2000 մասնակից։ Հաշվարկը կատարվել է 19։10-ի դրությամբ՝ ներառելով նաև հարակից տարածքները։
«Այսօր՝ մայիսի 8-ին, Էջմիածնի «Անմար կրակ» հուշահամալիրի տարածքում 18:00-ից մեկնարկել էր «Հայաստան» դաշինքի նախընտրական քարոզարշավի մեկնարկային հանրահավաքը:
«Իրազեկ քաղաքացիների միավորումն» աերոնկարահանման միջոցով իրականացրել է հավաքի մասնակիցների հաշվարկ, որի արդյունքում պարզվել է, որ 19։10-ի դրությամբ հանրահավաքի անցկացման վայրում և հարակից տարածքներում գտնվել է շուրջ 2000 մարդ:
Հաշվարկն իրականացվել է մասնակիցների անհատական հաշվարկի միջոցով։
Նշենք, որ այս հաշվարկում ներառված չեն ծառերի տակ գտնվող մարդիկ:
Լուսանկարը բարձր որակով հասանելի է այստեղ։
Մեր հաշվարկը ստուգելու նպատակով մարդկանց անհատականացնող կետերով նկարը կարելի է ներբեռնել այստեղից։
Հաշվարկը ստուգելու մանրամասն ձևը նկարագրված է այստեղ»,- ասվում է հաղորդագրությունում: