Ամերիկյան չիպարտադրող Nvidia-ն հայտարարել է հատուկ ապակիների, կերամիկայի և օպտիկամանրաթելային արտադրանք թողարկող Corning-ի հետ երկարաժամկետ գործընկերային համաձայնագիր կնքելու մասին։
Գործընկերության շրջանակում Nvidia-ն 500 մլն դոլար կներդնի Հյուսիսային Կարոլինայում և Տեխասում երեք նոր գործարանների կառուցման մեջ, որտեղ կարտադրվի տվյալների մշակման կենտրոնների համար նախատեսված օպտիկամանրաթել։
Համատեղ մամուլի հայտարարության համաձայն՝ դրա արդյունքում ԱՄՆ-ում Corning-ի արտադրական հզորությունները կավելանան 1.5 անգամ։
Ավելի վաղ այս տարի Meta-ն էր բազմամյա պայմանագիր կնքել Corning-ից տարբեր պրոդուկտների գնման համար՝ մինչև 6 մլրդ դոլարի չափով։
Տեխնոլոգիական հրապարակումներն իրականացվում են Իդրամի աջակցությամբ։