Բաժանորդագրվեք araratnews-ի տելեգրամ ալիքին։
Աշխատանքի և սոցիալական հարցերի նախարարի տեղակալ Տաթևիկ Ստեփանյանի գլխավորությամբ տեղի է ունեցել ՀՀ-ում մարդկանց թրաֆիքինգի դեմ պայքարի հարցերով խորհրդի աշխատանքային խմբի ընդլայնված նիստը։
Քննարկմանը մասնակցել են նաև շահագրգիռ գերատեսչությունների, միջազգային կազմակերպությունների և ոլորտային հասարակական կազմակերպությունների ներկայացուցիչներ։
Նիստի ընթացքում ներկայացվել է ՀՀ-ում 2026-2028 թթ․ մարդկանց թրաֆիքինգի և շահագործման դեմ պայքարի կազմակերպման ազգային ծրագրի նախագիծը, հիմնական ուղղությունները, նախատեսվող միջոցառումներն ու միջգերատեսչական համագործակցության մեխանիզմները:
Քննարկումը շարունակվել է հարցուպատասխանի ձևաչափով։