Դեղի հետկանչի կարգադրագիր է տրվել․ Առողջապահական և աշխատանքի տեսչական մարմինը զգուշացնում է

ԵՐԵՎԱՆ, 3 փետրվարի․/Նովոստի–Արմենիա/․ ՀՀ առողջապահական և աշխատանքի տեսչական մարմինը հայտարարել է դեղի հետկանչի կարգադրագրի տրման մասին։

Հաղորդագրության մեջ նշվում է, որ Առողջապահական և աշխատանքի տեսչական մարմնի կողմից «ԱՌԳՈ-ՖԱՐՄ», «ԱՐՋԻՋԻ», «ՎԱԳԱ-ՖԱՐՄ», «ՀՈՎԱՐՏ 20», «ՖԱՐՄ ՍԻՍԱՐ» ՍՊ ընկերություններին 2026 թվականի փետրվարի 2-ին տրվել է շրջանառության դադարեցման (հետկանչի) կարգադրագիր՝ «Վանկոմիցին, վանկոմիցին (վանկոմիցինի հիդրոքլորիդ) 1000մգ, կաթիլաներարկման լուծույթի կամ ներքին ընդունման լուծույթի դեղափոշի (1)» (արտադրող՝ «Ինտերֆարմա» ՍՊԸ, Ռուսաստանի Դաշնություն) դեղի՝ 020324 (պիտանելիության ժամկետ՝ 01.03.2026թ), 040324 (պիտանելիության ժամկետ՝ 31.03.2026թ.), 161224 (պիտանելիության ժամկետ՝ 01.11.2026թ.), 040225 (պիտանելիության ժամկետ՝ 01.01.2027թ.), 060225 (պիտանելիության ժամկետ՝ 01.01.2027թ.), 080625 (պիտանելիության ժամկետ՝ 31.05.2027թ.), 100625 (պիտանելիության ժամկետ՝ 01.05.2027թ.), 170725 (պիտանելիության ժամկետ՝ 01.07.2027թ.), 110625 (պիտանելիության ժամկետ՝ 01.06.2027թ.) 160725 (պիտանելիության ժամկետ՝ 01.07.2027թ.) սերիաների վերաբերյալ։ 

«Կարգադրագրի հիմք է հանդիսացել «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ի կողմից 2026 թվականի հունվարի 30-ին ստացված թիվ 01/446-26 գրությունը և կից փորձաքննության եզրակացությունը, համաձայն որի՝ առկա է արտադրանքի շրջանառության դադարեցման և հետկանչի ենթակա պատճառ հանդիսացող երկրորդ դասի թերության կասկած», – նշվում է հաղորդագրության մեջ; 

Քանի որ առկա է հետկանչի ենթակա երկրորդ դասի թերություն, գերատեսչությունից քաղաքացիներին խնդրում են ուշադիր լինել և խուսափել վերոնշյալ սերիաներով դեղի օգտագործումից: