https://arm.sputniknews.ru/20260505/hhn-uni-ansahmanapak-energetik-resursner-erevany-khvoracnum-e-gvortsakcutjuny-emi-het-101779174.html
«ՀՀ–ն ունի անսահմանափակ էներգետիկ ռեսուրսներ». Երևանը խորացնում է գործակցությունը ԵՄ–ի հետ
«ՀՀ–ն ունի անսահմանափակ էներգետիկ ռեսուրսներ». Երևանը խորացնում է գործակցությունը ԵՄ–ի հետ
Sputnik Արմենիա
Փաշինյանի խոսքով` Հայաստանը կարող է լինել ոչ միայն էներգետիկ առումով ինքնաբավ երկիր դառնալ, այլև էլ ավելի զարգացնել էներգիայի արտահանման պոտենցիալը։ 05.05.2026, Sputnik Արմենիա
2026-05-05T12:24+0400
2026-05-05T12:24+0400
2026-05-05T12:28+0400
արևային կայան
արևային էներգիա
նիկոլ փաշինյան
էներգետիկա
եվրամիություն
կուտակիչ
https://cdn.am.sputniknews.ru/img/07ea/05/05/101777337_5:0:1566:878_1920x0_80_0_0_02e08e08ec9a31d3013fc3cf919eefbf.jpg.webp
ԵՐԵՎԱՆ, 5 մայիսի – Sputnik․ Հայաստանի Հանրապետության վարչապետ Նիկոլ Փաշինյանը հայտարարել է էներգետիկ ոլորտում Հայաստանի և Եվրոպական միության միջև ռազմավարական լուրջ ծրագրերի մեկնարկի մասին։ ԵՄ բարձրաստիճան պաշտոնյաների հետ քննարկումներից հետո Փաշինյանը նշեց, որ տեղի է ունեցել պատմական շրջադարձ Հայաստանի էներգետիկ կարգավիճակի ընկալման հարցում։Նշենք, որ այսօր Եվրոպական հանձնաժողովի նախագահ Ուրսուլա ֆոն դեր Լյայենն ազդարարեց Հայաստան-Եվրամիություն հարաբերությունների նոր հանգրվանի մասին։ Նրա խոսքով ` Եվրոպան պատրաստ է օժանդակել թե՛ ֆիզիկական ենթակառուցվածքների հարցում, քանի որ այդ ապրանքներն ու հումքը պետք է տեղափոխել, և թե՛ տեղական էներգետիկ արտադրության ու էներգետիկ կապերի տեսանկյունից՝ Սև ծովի միջոցով։ Փաշինյանի խոսքով` ԵՄ-ն պատրաստակամություն է հայտնել աջակցել ՀՀ-ում կուտակիչ հզորությունների զարգացմանը։ Նա հավելեց, որ սրանք էներգետիկ ոլորտում արվող առաջին քայլերն են, բայց նաև նշեց, որ կան կուտակիչ այլ տեխնոլոգիաներ, որոնք հիմնված են ջրի ցերեկային կուտակման և գիշերային ժամերին օգտագործման վրա։Էներգետիկ նախագծերին զուգահեռ, ըստ Փաշինյանի, օրակարգային է մնում տրանսպորտային կապակցվածության հարցը։ Վարչապետը շեշտեց, որ հարևան երկրների հետ գործակցությամբ Հայաստանը կարող է լիարժեք ինտեգրվել միջազգային մատակարարման շղթաների երկաթուղային և ավտոմոբիլային փոխադրումներին՝ դառնալով կարևոր տարանցիկ հանգույց։Հիշեցնեք, որ ՀՀ կառավարության ապրիլի 2–ի որոշմամբ ՀՀ–ում էներգիայի կուտակիչ կայաններին առաջին անգամ կտրամադրվի լիցենզիա։ Կառավարությունն այս քայլով էներգետիկ այս շուկային կոչ է անում կառուցել պահեստներ, որտեղ կուտակված էներգիան պետությունը կվարձակալի։
2026
Լուրեր
am_HY
https://cdn.am.sputniknews.ru/img/07ea/05/05/101777337_200:0:1371:878_1920x0_80_0_0_82c3c28b6d69981d775a7953393cc90b.jpg.webp
արևային կայան, արևային էներգիա, նիկոլ փաշինյան, էներգետիկա, եվրամիություն, կուտակիչ
արևային կայան, արևային էներգիա, նիկոլ փաշինյան, էներգետիկա, եվրամիություն, կուտակիչ
Փաշինյանի խոսքով` Հայաստանը կարող է լինել ոչ միայն էներգետիկ առումով ինքնաբավ երկիր դառնալ, այլև էլ ավելի զարգացնել էներգիայի արտահանման պոտենցիալը։
ԵՐԵՎԱՆ, 5 մայիսի – Sputnik․ Հայաստանի Հանրապետության վարչապետ Նիկոլ Փաշինյանը հայտարարել է էներգետիկ ոլորտում Հայաստանի և Եվրոպական միության միջև ռազմավարական լուրջ ծրագրերի մեկնարկի մասին։ ԵՄ բարձրաստիճան պաշտոնյաների հետ քննարկումներից հետո Փաշինյանը նշեց, որ տեղի է ունեցել պատմական շրջադարձ Հայաստանի էներգետիկ կարգավիճակի ընկալման հարցում։
«Պատմականորեն Հայաստանը համարվել է էներգետիկ ռեսուրսների տեսակետից սահմանափակ հնարավորություններով երկիր, այսինքն՝ Հայաստանը դասվել է էներգակիրներից կախվածություն ունեցող երկրների շարքին: Բայց նոր ժամանակներում պարզվել է, որ Հայաստանն ունի անսահմանափակ էներգետիկ ռեսուրսներ, որովհետև մենք ունենք շրջաններ, որտեղ արևային օրերի քանակը գերազանցում է 300-ը։ Սա նշանակում է, որ արևային էներգետիկայի զարգացման անսահման հնարավորություններ կան մեր երկրում։ Այն, ինչ մեզ պակասում է, կուտակիչ կայաններն են։ Շնորհակալ եմ ԵՄ մեր գործընկերներին՝ ՀՀ-ում կուտակիչ կայանների զարգացման ուղղությամբ աջակցելու պատրաստակամության համար»,– ասաց նա։
Փաշինյանի խոսքով` ԵՄ-ն պատրաստակամություն է հայտնել աջակցել ՀՀ-ում կուտակիչ հզորությունների զարգացմանը։ Նա հավելեց, որ սրանք էներգետիկ ոլորտում արվող առաջին քայլերն են, բայց նաև նշեց, որ կան կուտակիչ այլ տեխնոլոգիաներ, որոնք հիմնված են ջրի ցերեկային կուտակման և գիշերային ժամերին օգտագործման վրա։
«Իհարկե, ԵՄ-ի հետ աշխատում ենք նաև «կանաչ ջրածնի» արտադրության տեխնոլոգիաները զարգացնելու ուղղությամբ: Ռազմավարական առումով մենք համոզված ենք, որ ճիշտ ճարտարապետության պարագայում Հայաստանը կարող է լինել ոչ միայն էներգետիկ առումով ինքնաբավ երկիր, այլև կարող է էներգիայի արտահանման պոտենցիալն էլ ավելի զարգացնել»,– ավելացրեց Փաշինյանը։
Էներգետիկ նախագծերին զուգահեռ, ըստ Փաշինյանի, օրակարգային է մնում տրանսպորտային կապակցվածության հարցը։ Վարչապետը շեշտեց, որ հարևան երկրների հետ գործակցությամբ Հայաստանը կարող է լիարժեք ինտեգրվել միջազգային մատակարարման շղթաների երկաթուղային և ավտոմոբիլային փոխադրումներին՝ դառնալով կարևոր տարանցիկ հանգույց։