ՀՀ ֆինանսների նախարարության հաշվապահական հաշվառման և աուդիտորական գործունեության կարգավորման, հաշվետվությունների մշտադիտարկման վարչության պետ Կարեն Ալավերդյանը քաղաք Փարիզում մասնակցել է Աուդիտի անկախ կարգավորող մարմինների միջազգային ֆորումի (IFAR) 20-րդ լիագումար նիստին
ՀՀ ֆինանսների նախարարության հաշվապահական հաշվառման և աուդիտորական գործունեության կարգավորման, հաշվետվությունների մշտադիտարկման վարչության պետ Կարեն Ալավերդյանը քաղաք Փարիզում մասնակցել է Աուդիտի անկախ կարգավորող մարմինների միջազգային ֆորումի (IFAR) 20-րդ լիագումար նիստին։
Նիստի ընթացքում Կարեն Ալավերդյանը հանդիպումներ է ունեցել Աուդիտի անկախ կարգավորող մարմինների միջազգային ֆորումի նախագահի, նախագահի տեղակալի և գործադիր տնօրենի հետ՝ ներկայացնելով Հայաստանի Հանրապետությունում աուդիտորական գործունեության ոլորտի իրավական կարգավորման ներկա վիճակը, առկա մարտահրավերները և առաջիկա անելիքները։
Քննարկվել են նաև Աուդիտի անկախ կարգավորող մարմինների միջազգային ֆորումին Հայաստանի հնարավոր անդամակցության հետ կապված հարցերը, մասնավորապես՝ անդամակցության համար սահմանված պահանջներին համապատասխանությունը: