ԱՄՆ նախագահ Դոնալդ Թրամփը քննադատել է Գերմանիայի կանցլեր Ֆրիդրիխ Մերցին՝ Իրանի դեմ պատերազմի հարցում նրա դիրքորոշման համար։ Սպիտակ տան ղեկավարը համապատասխան գրառում է հրապարակել Truth Social սոցիալական ցանցում:
«Գերմանիայի կանցլեր Ֆրիդրիխ Մերցը կարծում է, որ Իրանի համար միջուկային զենք ունենալը նորմալ է։ Նա չգիտի, թե ինչի մասին է խոսում։ Եթե Իրանը միջուկային զենք ունենար, ամբողջ աշխարհը պատանդ կլիներ»,- գրել է ամերիկացի առաջնորդը։
«Ես հիմա Իրանի հետ անում եմ այն, ինչ վաղուց պետք է անեին մյուս երկրները կամ նախագահները։ Զարմանալի չէ, որ Գերմանիան այդքան վատ վիճակում է՝ թե՛ տնտեսապես, թե՛ այլ առումներով», – հավելել է Թրամփը։
Ապրիլի 27-ին Մերցը հայտարարել էր, որ Միացյալ Նահանգները «ակնհայտորեն» չունի Իրանի դեմ պատերազմի ռազմավարություն, այդ թվում՝ թե ինչպես այն պետք է ավարտվի։ Նա հիշեցրել է պատերազմների ավարտը Աֆղանստանում և Իրաքում: Նրա խոսքով, Իրանի դեմ պատերազմ սկսելու որոշումը անմտածված էր։ Գերմանիայի կանցլերը հույս է հայտնել, որ այն արագ կավարտի։
Ֆրիդրիխ Մերցը նաև քննադատել է ԱՄՆ-ին և Իսրայելին՝ Իրանի դեմ առանց եվրոպացիների հետ նախնական խորհրդակցությունների պատերազմ են սկսելու համար։