ԱՄՆ նախագահ Դոնալդ Թրամփը հայտարարել է, որ երբեք չի եղել Ջեֆրի Էպշտեյնի կղզում և չի ունեցել բարեկամական հարաբերություններ նրա հետ։ Թրամփը այս մասին գրել է իր Truth Social էջում, նշելով, որ հակառակորդները փորձում են նրան մեղադրել կոռուպցիայի մեջ։ «Ի տարբերություն շատերի, ովքեր սիրում են ինձ վրա ցեխ շպրտել, ես երբեք չեմ եղել հայտնի Էպշտեյն կղզում, բայց գրեթե բոլոր այս կոռումպացված դեմոկրատներն ու նրանց դոնորներն են եղել»,- ասել է նա։
Թրամփի անունը կրկին հայտնվել է Էպշտեյնի գործին վերաբերող փաստաթղթերում, որտեղ նա մեղադրվում է 35 տարի առաջ 13-14 տարեկան աղջկա նկատմամբ սեռական ոտնձգության մեջ։ Թրամփը, սակայն, պնդում է, որ երբեք չի եղել Էպշտեյնի կղզում կամ նույնիսկ դրա մոտակայքում։ Նա նաև քննադատել է հաղորդավար Թրևոր Նոային, ով պնդել է, որ Թրամփը և Բիլ Քլինթոնը ժամանակ են անցկացրել Էպշտեյնի կղզում։ Թրամփը խոստացել է դատի տալ Նոային՝ մեղադրելով նրան զրպարտության մեջ։