Բաքուն կարող է պաշտոնական որոշում ընդունել դադարեցնել հարաբերությունները Եվրախորհրդարանի հետ՝ ի պատասխան Ադրբեջանի նկատմամբ իր կողմնակալ դիրքորոշման։
Այս մասին իշխանամերձ ադրբեջանական Trend-ին հայտնել է իրազեկ աղբյուրը։
Նշվում է, որ Ադրբեջանը, որը նախկինում արդեն փաստացի կասեցրել է կապերը Եվրախորհրդարանի հետ, քննարկում է կապերը լիովին խզելու հարցը։ Այս հարցն այժմ քննարկման փուլում է։
Հաղորդվում է, որ Եվրախորհրդարան ներկայացված «Աջակցություն Հայաստանում ժողովրդավարական կայունությանը» բանաձևի նախագիծը, չնայած հայտարարված աջակցության բնույթիբ, իբրև թե պարունակում է մի քանի դրույթներ, որոնք «անհիմն մեղադրանքներ և պահանջներ են առաջադրում Ադրբեջանին»։
Թարգմանությունը՝ Էմմա Չոբանյանի