Մայիսի 8-ից պաշտոնապես կմեկնարկի խորհրդարանի ընտրության քարոզարշավը. Ընտրական օրենսգիրքը սահմանում է՝ կուսակցությունների գրանցումից հետո հնգօրյա ժամկետում բոլոր ուժերը պարտավոր են բացել նախընտրական հիմնադրամ:
Օրենսդրական նոր փոփոխություններով՝ հիմնադրամին վճարում կարող են կատարել միայն կուսակցությունները՝ անհայտ ծագման աղբյուրներից ֆինանսավորումը բացառելու նպատակով:
Եռօրյա պարբերականությամբ կուսակցության բանկային հաշիվների մուտքերի և ելքերի վերաբերյալ տեղեկությունը կփոխանցվի Կոռուպցիայի կանխարգելման հանձնաժողով։
Կուսակցությունները նաև պարտավոր են 3 անգամ հայտարարագիր ներկայացնել, իսկ նվիրատվության առավելագույն սահմանաչափը նախկին 2.5 մլն դրամի փոխարեն սահմանվել է 10 մլն դրամ:
Բոլոր այս գործընթացները վերահսկվելու են, Հակակոռուպցիոն կոմիտեն էլ շարունակում է ընտրակաշառքի բացահայտումները:
Հեղինակ՝ Վարդուհի Արզումանյան
Դիտումների քանակ8