«Մեր պահանջը ցեղասպանության ճանաչումն է: Եթե մեկը քեզ ստիպում է քո ազգի նշանակալի մասի ճակատագիրը մոռանալ սպանդից հետո ու դու ընդունում ես դա, ուրեմն դու ընդունում ես, որ քեզ հետ կարելի է այդ մեթոդներով վարվել:
Մենք պետք է տարածաշրջանում ունենանք լավ հարաբերություններ, բայց դրանք պիտի լինեն արդարության հիմքով ու ոչ արյան վրա: Եթե մենք մոռանում ենք ճշմարտությունը, մենք ասում ենք՝ մեզ հետ այդպես կարելի է»:
Այս մասին այսօր՝ ապրիլի 24-ին, Ծիծենակաբերդում լրագրողների հետ զրույցում նշեց Նարեկ Կարապետյանը:
Նարեկ Կարապետյանը նշեց, որ ՀՀ-ն չունի տարածքային նկրտումներ:
«ՀՀ-ն չունի տարածքային նկրտում՝ հարևան որևէ երկրի նկատմամբ: Իսկ Արցախն անկախ միավոր է եղել ու ՀՀ-ի մաս չի կազմել»,-նշեց նա:
Այս մասին այսօր՝ ապրիլի 24-ին, Ծիծենակաբերդում լրագրողների հետ զրույցում նշեց Նարեկ Կարապետյանը: