ԵՐԵՎԱՆ, ԱՊՐԻԼԻ 21, 24News
Օդից չենք ընկել, վեց տարի պատգամավոր ենք եղել, փողոցում չէինք քայլում, վազեցինք ընտրության, ոչ մեկ իրավունք չունի մեզ մեղադրելու, որ մասնակցում ենք ընտրություններին։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ԱԺ պատգամավոր Հակոբ Ասլանյանը։
«Մենք առաջարկել ենք տարբեր քաղաքական ուժերի միասին հանդես գալ, մեզ մերժել են, հիմա ժողովուրդը պետք է կանգնի մեր թիկունքին ու կտեսնեք, որ մենք Նիկոլի պրոյեկտը չենք։ Մենք բարոյական իրավունք չունեինք ընտրության չմասնակցելու, ինքնասպանություն է ընտրության չգնալն ու Փաշինյանին չհեռացնելը», – մեկնաբանեց պատգամավորը։
Պատասխանելով հարցին, թե ի՞նչ միջոցներով եք մասնակցում ընտրություններին և քարոզարշավին, արդյոք ֆինանսավորողներ ունե՞ք, Ասլանյանը պատասխանեց․
«Ապրի՛ ՔՊ-ն, իրենց տված պարգևավճարները վաղվանից ներդնելու ենք ընտրություններին մասնակցելու հարցի մեջ, եթե անցողիկ շեմը հաղթահարենք, այդ գումարը կուղղենք բարեգործության, մենք ֆինանսավորողներ չունենք»։
Հերմինե Միքայելյան
Մանրամասները՝ տեսանյութում։
–00—ԱՊ