Ռազմական փորձագետ Կարեն Վրթանեսյանը գրում է. «Որքա՞ն է անհավանական պատերազմի «գրեթե անհավանական» ռիսկը։
Հունվարի 20-ին ՀՀ արտաքին հետախուզության ծառայությունը (ԱՀԾ) հրապարակեց 2026-ի անվտանգային ոլորտի հնարավոր զարգացումների մասին իր կանխատեսումները։
Ըստ զեկույցի հեղինակների 2026թ. Հայաստանի և Ադրբեջանի միջև տարբեր մասշտաբների ռազմական բախումները «գրեթե անհավանական են»։
Սա կարող է շատ լավ նորություն թվալ, մինչև այն պահը, երբ ինքդ քեզ հարց ես տալիս, թե ինչ է ասել «գրեթե անհավանական» ըստ ԱՀԾ-ի։
Այդ հարցին պատասխանում է զեկույցի 4-րդ էջում զետեղված աղյուսակը։ Ըստ հեղինակների «գրեթե անհավանական» են համարվում 10–20%% հավանականությամբ իրադարձությունները։
Որպեսզի հստակ հասկանալի լինի. դա մոտավորապես հավասար է 6 փամփշտանոց ռևոլվերի մեջ 1 փամփուշտ դնելով «ռուսական ռուլետկա» խաղի մահացու ելքի հավանականությանը։
Կա՞ մարդ, որ անկեղծ համարում է, թե ռուսական ռուլետկայում մահացու ելքը «գրեթե անհավանական» է»։