Դոնալդ Թրամփը CBS News-ին տված հարցազրույցում հայտարարել է, որ Իրանը «համաձայնել է ամեն ինչի», այդ թվում՝ հարստացված ուրանի արտահանմանը։
Նրա խոսքով՝ Իրանը պատրաստ է ԱՄՆ-ի հետ համատեղ դուրս բերել և փոխանցել հարստացված ուրանը։ Դոնալդ Թրամփը նաև նշել է, որ Իրանը համաձայնել է դադարեցնել իր աջակցությունը միջնորդ խմբավորումներին, այդ թվում՝ Հեզբոլլահին և ՀԱՄԱՍ-ին։
Նա հավելել է․ «Սա հիանալի գործարք է։ Սա հրաշալի գործարք է։ Նրանք համաձայնել են ամեն ինչի»։
Իրանի արտաքին գործերի նախարարության խոսնակ Էսմայիլ Բաղային հերքել է Թրամփի պնդումը, որ Թեհրանը համաձայնել է թույլատրել իր հարստացված ուրանի տեղափոխումը ԱՄՆ․ գրում է Al Jazeera-ն։
«Հարստացված ուրանը մեզ համար նույնքան սրբազան է, որքան իրանական հողը, և այն ոչ մի դեպքում չի փոխանցվի որևէ տեղ», – ասել է Բաղային։