ԱՄՆ նախագահ Դոնալդ Թրամփի հայտարարությունները Բաղդադին օգնությունը դադարեցնելու մասին, եթե Նուրի ալ-Մալիքին նշանակվի վարչապետ, պառակտում են առաջացրել շիական «Համակարգող կառուցվածքում», գրել է «Al Arabiya»-ն։
Ալ-Մալիքիի թիմն արդեն աշխատում է «ԱՄՆ-ի հետ փոխըմբռնման» վրա, սակայն դաշինքի ներսում միասնություն չկա. ոմանք կոչ են անում թեկնածուին նահանջել՝ երկրի անվտանգության համար, իսկ մյուսները պահանջում են մերժել ամերիկյան միջամտությունը։
Իրավիճակը սրվում է Իրաքի տնտեսական դժվարությունների պատճառով։ Բաղդադը չի կարող ռիսկի դիմել ԱՄՆ-ի կողմից նոր պատժամիջոցների կիրառման դեպքում, որն արդեն իսկ թիրախավորում է իրաքյան կազմակերպությունները (Թեհրանին օգնելու համար)։
Վերլուծաբանները նշել են, որ Թրամփի վարչակազմն այլևս չի առանձնացնում Իրանը և Իրաքը՝ դրանք դիտարկելով որպես մեկ խնդիր։ Մասնագետները զգուշացրել են, որ եթե նոր կառավարությունը շարունակի հետևել իրանական ազդեցության մոդելին, Իրաքը կբախվի լիակատար քաղաքական և տնտեսական մեկուսացման։