Հայ Առաքելական Սուրբ Եկեղեցու դեմ պայքարի ծավալներն ընդլայնվեցին․ իր ֆեյսբուքյան էջում տեղադրված տեսանյութում ասել է պատգամավոր Գեղամ Մանուկյանը։
«Սուրեն Պապիկյանը հրամանով չեղարկել է դեռ 2000 թվականից ուժի մեծ եղած պաշտպանության նախարարի հրամանը, որով կանոնակարգվում էր ՀՀ Զինված ուժերում հոգևոր ծառայության, գնդերեցների գործունեությունը։
Գնդերեցներ, որ 1997 թվականից երջանկահիշատակ Գարեգին Ա կաթողիկոսի և ՀՀ պաշտպանության նախարար լուսահոգի Վազգեն Սարգսյանի համատեղ նախաձեռնությամբ եղել են զինվորի կողքին, ապրել նրանց հետ, պայքարել նրանց հետ, զոհվել, վիրավորվել, անհետ կորել…
Հետաքրքիր է՝ Պապիկյանն ի՞նչ է անելու Աշոտ Բ Երկաթ Բագրատունի թագավորի խաչի հետ, որը հայտարարվել էր Հայոց բանակի պահապան և հովանավոր սրբություն…
Սրանք այս ամենն ինչպե՞ս են մարսելու»,- նշել է նա։