Պետությունն ու քաղաքացիական հասարակությունը այլևս աշխատում են նույն ուղղությամբ՝ համատեղ լուծելով արդարադատության ոլորտի խնդիրները. Գալյան
Բաժանորդագրվեք Zarkerak.am-ի տելեգրամ ալիքին։
ԵՄ–Հայաստան քաղաքացիական հասարակության հարթակի 8-րդ հանդիպման պանելային քննարկման ժամանակ արդարադատության նախարար Սրբուհի Գալյանն անդրադարձել է Հայաստան-ԵՄ Համապարփակ և ընդլայնված գործընկերության համաձայնագրի (ՀԸԳՀ) նոր ճանապարհային քարտեզին և մոնիթորինգի նոր էլեկտրոնային հարթակի մշակմանը, որը հնարավորություն կտա հանրությանը ծանոթանալ ՀԸԳՀ-ի իրականացման միջոցառումների ընթացքին: Այդ մասին հայտնում են արդարադատության նախարարությունից:
Նախարարը նշել է, որ արդարության և արդարադատության հոմանիշ լինելու համար անհրաժեշտ է ինստիտուցիոնալ բարեփոխում, և լուծումը միայն ինստիտուտների և գործընթացի ճիշտ գործելու մեջ է, և նախարարությունը հենց այս հանձնառությամբ էլ առաջ է շարժվում, որպեսզի ապագայում ունենանք կանխատեսելի արդարադատություն՝ սկսած ողջամիտ ժամկետներում գործի լուծման ակնկալիքի բավարարումից, վերջացրած արդար և արդյունավետ արդարադատության իրականացում։
Նախարարը նշել է, որ պետությունն ու քաղաքացիական հասարակությունը այլևս աշխատում են նույն ուղղությամբ՝ համատեղ թիրախավորելով և լուծելով արդարադատության ոլորտի խնդիրները: