Շրջակա միջավայրի նախարարի տեղակալ Վահե Դավթյանը Շվեդիայի բարձրաստիճան պատվիրակությունը՝ պետքարտուղար Կարին Յուհլինի հետ և և գործընկեր կառույցների ներկայացուցիչների ուղեկցությամբ այցելել է Արարատյան դաշտում գտնվող «RESILAND. Հայաստանի դիմակայուն լանդշաֆտներ» ծրագրի տարածք։
Պատվիրակությունն այցելել է Խոր Վիրապի ջրաճահճային տարածք, որը ներառված է միջազգային նշանակության ջրաճահճային տարածքների ցանկում, որտեղ ներկայացվել են ծրագրի ընթացքը և իրականացվող վերականգնողական աշխատանքները։ Տարածքը կարևոր է կենսաբազմազանության պահպանության համար և հանդիսանում է չվող թռչունների կարևոր հանգրվան։
Ծրագրի նպատակն է ավելացնել կայուն լանդշաֆտների կառավարման ներքո գտնվող տարածքները և խթանել կայուն տնտեսական գործունեությունը թիրախային համայնքներում։
Ծրագրի շրջանակում 1.61 հա տարածքում ստեղծվել է ջրաճահճային համակարգ, որի արդյունքում ավելացել է թռչնատեսակների քանակը․ բնադրողները՝ 38-ից դարձել են 55, իսկ չվողները՝ 31-ից 61։
2024 թվականին իրականացվել են լրացուցիչ աշխատանքներ, սակայն ընդգծվել է, որ էկոհամակարգի լիարժեք վերականգնման համար անհրաժեշտ են ավելի լայնածավալ միջամտություններ։
Դիտումների քանակ1