https://arm.sputniknews.ru/20260414/kuzei-vor-bvolvory-varakven-miajn-tatrvonvov-mkhitarjany–armmvonvo-paratvoni-masin-100976281.html
«Կուզեի, որ բոլորը վարակվեն միայն թատրոնով». Մխիթարյանը՝ «Արմմոնո» փառատոնի մասին
«Կուզեի, որ բոլորը վարակվեն միայն թատրոնով». Մխիթարյանը՝ «Արմմոնո» փառատոնի մասին
Sputnik Արմենիա
«Արմմոնոն» նպաստում է փորձի փոխանակմանը և օգնում է ՀՀ մարզերից դերասաններին հասկանալ, թե ինչն է նրանց մոտ ավելի լավ ստացվում, իսկ ինչի վրա դեռ պետք է աշխատեն… 14.04.2026, Sputnik Արմենիա
2026-04-14T14:45+0400
2026-04-14T14:45+0400
2026-04-14T14:45+0400
ներկայացում
թատերական ներկայացում
մոնոներկայացում
փառատոն
https://cdn.am.sputniknews.ru/img/07ea/04/0e/100973572_0:0:1280:721_1920x0_80_0_0_213ec6293da88e2d4b5835ba688aa1ad.jpg.webp
ԵՐԵՎԱՆ, 14 ապրիլի – Sputnik. Երևանում մեկնարկել է «Արմմոնո» 24-րդ միջազգային թատերական փառատոնը։ Այս տարի մոնոներկայացումներում լուրջ ընդգրկվածություն կունենան «հերոսը պատմության մեջ», «անձը պատմության մեջ» թեմաները, այսօր լրագրողներին հայտնեց փառատոնի տնօրեն Մարիաննա Մխիթարյանը։«Արմմոնո» միջազգային թատերական փառատոնը հիմնադրվել է 2003 թվականին Երևանում՝ Հայաստանում «մի դերասանի թատրոնը» զարգացնելու և այլ երկրների հետ մշակութային փոխանակումը խթանելու համար։Առավել հետաքրքիր ներկայացումների շարքում նա նաև նշեց «Չապլին` իմ պատերազմը», որում սերբ դերասան Ռադե Կոստիչը ցույց է տալիս` ինչպես են զարգացել նույն օրը ծնված Չարլի Չապլինի և Ադոլֆ Հիտլերի կերպարները:Հայկական աշխատանքներից Մխիթարյանը մասնավորապես առանձնացրեց «Թղթե մարդը» նոր տիկնիկային ներկայացումը, որը կներկայացվի Աբովյանում: Իսկ Գյումրու թատրոնի բեմում հանդիսատեսը կդիտի «Սասունցի Դավիթը»՝ Արմեն Քուշկյանի կատարմամբ: Փառատոնի կարևորագույն իրադարձություններից մեկը կլինի Բաբկեն Զաքարյանի «ՆԵԵսենին» ներկայացման պրեմիերան:Փառատոնի տնօրենի խոսքով՝ նաև Իտալիայից և Իսպանիայից ժամանած հյուրերի մասնակցություն է սպասվում: Դեռ հարցականի տակ է Իրանից և Եգիպտոսից մասնակիցների ժամանումը, Մխիթարյանը հույս հայտնեց, որ նրանք ամեն դեպքում կկարողանան լինել այստեղ:Ի դեպ, «դել արտե» կատակերգության իտալացի վարպետ Քրիստիան Իզզոն կցուցադրի «Պուլչինելլա, կամ ծառա առանց տիրոջ» ներկայացումը և վարպետության դաս կանցկացնի Երևանի կինոյի և թատրոնի ակադեմիայի ուսանողների համար:Ինչպես նշեց Մխիթարյանը, «Արմմոնո»–ի շնորհիվ գաղափարներ, նախագծեր և թիմեր են ծնվում, որոնք, փառատոնի մթնոլորտի ազդեցության ներքո ինչ-որ նոր և հետաքրքիր բան են ստեղծում: Բացի այդ, կարևոր է բեմ հանել ՀՀ մարզերի ներկայացումները. Երևանի թատրոններում աշխատանքային փորձը օգտակար է նրանով, որ օգնում է մարզերի երիտասարդ դերասաններին և ռեժիսորներին հասկանալ, թե ինչն է իրենց մոտ ավելի լավ ստացվում, իսկ ինչի վրա դեռ պետք է աշխատեն, ասաց նա:Փառատոնը կամփոփվի դրամատուրգ և դերասանուհի Կարինե Խոդիկյանի «Ինքնաթիռների և մարդկանց մասին» մոնոներկայացմամբ:«Արմմոնո» մոնոներկայացումների 24-րդ միջազգային թատերական փառատոնը կանցկացվի Հայաստանում ապրիլի 14-ից մայիսի 1-ը։ Ներկայացումները կանցկացվեն Երևանի տարբեր հարթակներում (այդ թվում՝ Մհեր Մկրտչյանի անվան թատրոնում, Թատերական գործիչների միությունում, Փոքր թատրոնում), ինչպես նաև Գյումրիում և Աբովյանում։
2026
Լուրեր
am_HY
https://cdn.am.sputniknews.ru/img/07ea/04/0e/100973572_158:0:1121:722_1920x0_80_0_0_f886a8a320ce0b83cdd35aa28ab3a850.jpg.webp
ներկայացում, թատերական ներկայացում, մոնոներկայացում, փառատոն
ներկայացում, թատերական ներկայացում, մոնոներկայացում, փառատոն
«Արմմոնոն» նպաստում է փորձի փոխանակմանը և օգնում է ՀՀ մարզերից դերասաններին հասկանալ, թե ինչն է նրանց մոտ ավելի լավ ստացվում, իսկ ինչի վրա դեռ պետք է աշխատեն, նշեց փառատոնի տնօրենը։
ԵՐԵՎԱՆ, 14 ապրիլի – Sputnik. Երևանում մեկնարկել է «Արմմոնո» 24-րդ միջազգային թատերական փառատոնը։ Այս տարի մոնոներկայացումներում լուրջ ընդգրկվածություն կունենան «հերոսը պատմության մեջ», «անձը պատմության մեջ» թեմաները, այսօր լրագրողներին հայտնեց փառատոնի տնօրեն Մարիաննա Մխիթարյանը։
«Արմմոնո» միջազգային թատերական փառատոնը հիմնադրվել է 2003 թվականին Երևանում՝ Հայաստանում «մի դերասանի թատրոնը» զարգացնելու և այլ երկրների հետ մշակութային փոխանակումը խթանելու համար։
«Փառատոնը կբացվի Փոքր թատրոնում (Գեղագիտության ազգային կենտրոնում-խմբ.)՝ ռումինացի դերասան և պարուսույց Ֆիլիպ Ռիստովսկու «Նիժինսկի» երաժշտական ներկայացմամբ: Իսկ Մհեր Մկրտչյանի անվան թատրոնում այսօր կցուցադրվի վրացի ռեժիսոր Իրակլի Գոգիայի «Խոստովանություն. ես Սերգո Փարաջանովն եմ» ներկայացումը՝ վառ, մաշտաբային ներկայացում: Վաղը Ռուսաստանից երկու ներկայացում կլինի՝ «Փրկել կամեր–յունկեր Պուշկինին»՝ հետաքրքիր և բովանդակալից բեմադրություն՝ թեթև տեքստով, և «Պարալիմպիկ խաղերի մասնակիցը» այն մասին, թե ինչպես ցավը հաղթահարելով՝ մարդ մնալ», – ընդգծեց Մխիթարյանը:
Առավել հետաքրքիր ներկայացումների շարքում նա նաև նշեց «Չապլին` իմ պատերազմը», որում սերբ դերասան Ռադե Կոստիչը ցույց է տալիս` ինչպես են զարգացել նույն օրը ծնված Չարլի Չապլինի և Ադոլֆ Հիտլերի կերպարները:
Հայկական աշխատանքներից Մխիթարյանը մասնավորապես առանձնացրեց «Թղթե մարդը» նոր տիկնիկային ներկայացումը, որը կներկայացվի Աբովյանում: Իսկ Գյումրու թատրոնի բեմում հանդիսատեսը կդիտի «Սասունցի Դավիթը»՝ Արմեն Քուշկյանի կատարմամբ: Փառատոնի կարևորագույն իրադարձություններից մեկը կլինի Բաբկեն Զաքարյանի «ՆԵԵսենին» ներկայացման պրեմիերան:
Փառատոնի տնօրենի խոսքով՝ նաև Իտալիայից և Իսպանիայից ժամանած հյուրերի մասնակցություն է սպասվում: Դեռ հարցականի տակ է Իրանից և Եգիպտոսից մասնակիցների ժամանումը, Մխիթարյանը հույս հայտնեց, որ նրանք ամեն դեպքում կկարողանան լինել այստեղ:
Ի դեպ, «դել արտե» կատակերգության իտալացի վարպետ Քրիստիան Իզզոն կցուցադրի «Պուլչինելլա, կամ ծառա առանց տիրոջ» ներկայացումը և վարպետության դաս կանցկացնի Երևանի կինոյի և թատրոնի ակադեմիայի ուսանողների համար:
Ինչպես նշեց Մխիթարյանը, «Արմմոնո»–ի շնորհիվ գաղափարներ, նախագծեր և թիմեր են ծնվում, որոնք, փառատոնի մթնոլորտի ազդեցության ներքո ինչ-որ նոր և հետաքրքիր բան են ստեղծում: Բացի այդ, կարևոր է բեմ հանել ՀՀ մարզերի ներկայացումները. Երևանի թատրոններում աշխատանքային փորձը օգտակար է նրանով, որ օգնում է մարզերի երիտասարդ դերասաններին և ռեժիսորներին հասկանալ, թե ինչն է իրենց մոտ ավելի լավ ստացվում, իսկ ինչի վրա դեռ պետք է աշխատեն, ասաց նա:
«Փառատոնը նպաստում է փորձի փոխանակմանը: Այն վարակում է գաղափարներով, ներկայացումներով և թատրոնի ոգով: Կցանկանայի մաղթել, որ մենք բոլորս վարակվենք միայն թատրոնով և միայն ներկայացումներով», – եզրափակեց Մխիթարյանը:
Փառատոնը կամփոփվի դրամատուրգ և դերասանուհի Կարինե Խոդիկյանի «Ինքնաթիռների և մարդկանց մասին» մոնոներկայացմամբ:
«Արմմոնո» մոնոներկայացումների 24-րդ միջազգային թատերական փառատոնը կանցկացվի Հայաստանում ապրիլի 14-ից մայիսի 1-ը։ Ներկայացումները կանցկացվեն Երևանի տարբեր հարթակներում (այդ թվում՝ Մհեր Մկրտչյանի անվան թատրոնում, Թատերական գործիչների միությունում, Փոքր թատրոնում), ինչպես նաև Գյումրիում և Աբովյանում։