ԵՐԵՎԱՆ, ԱՊՐԻԼԻ 11, 24News
Հայաստանի և Եվրոպական միության միջև Համապարփակ և ընդլայնված գործընկերության համաձայնագրի (ՀԸԳՀ) կիրարկումն ապահովող միջոցառումները համակարգող միջգերատեսչական հանձնաժողովը հերթական նիստն է անցկացրել: Այս մասին հայտնում են կառավարությունից։
Փոխվարչապետ Մհեր Գրիգորյանի նախագահությամբ՝ հանձնաժողովում քննարկվել են ՀԸԳՀ-ի նորճանապարհային քարտեզի իրագործման ընթացքը, միջոցառումների համար պատասխանատու գերատեսչությունների ներկայացուցիչները հանդես են եկել զեկույցներով:
Անդրադարձ է կատարվել ճանապարհային քարտեզի կիրարկումն առավել արդյունավետ դարձնելուն ուղղված մշտադիտարկման և հաղորդակցության նոր գործիքների ներդրման անհրաժեշտության հետ կապված հարցերին։Նիստի արդյունքներով փոխվարչապետի կողմից տրվել են համապատասխան հանձնարարականներ պատասխանատու գերատեսչություններին։
—00—ՄԱ