Քննարկվել է Կենտրոնական ընտրական հանձնաժողովի 2024-2025 թթ. գործունեության մասին հաղորդումը
Բաժանորդագրվեք Zarkerak.am-ի տելեգրամ ալիքին։
2024-2025 թվականներին կազմակերպվել են տեղական ինքնակառավարման մարմինների չորս ընտրություններ, որոնցից մեկը՝ մեծամասնական ընտրակարգով, իսկ երեքը՝ համամասնական: ՀՀ կենտրոնական ընտրական հանձնաժողովի նախագահ Վահագն Հովակիմյանի խոսքով որեւէ ընտրության արդյունք չի բողոքարկվել:
Զեկուցողն ընդգծել է, որ փաստաթղթում ներկայացված է հանձնաժողովի զարգացման ռազմավարության տեսլականը: Ռազմավարության համաձայն՝ ԿԸՀ-ի առաքելությունն է ապահովել ժողովրդի, իշխանության իրացումն ազատ, արդար, թափանցիկ, մրցակցային եւ միջազգային չափանիշներին համապատասխանող ընտրությունների եւ հանրաքվեների միջոցով: Ըստ ռազմավարության՝ հանձնաժողովի ջանքերը՝ սկսած 2025 թվականից, միտված են լինելու ընտրական գործընթացների արդյունավետ կազմակերպմանը, թափանցիկության եւ հաշվետվողականության բարձրացմանը, տեխնոլոգիական զարգացմանը, ընտրողների կրթության եւ իրազեկման բարձրացմանը, ընտրական հանձնաժողովների կարողությունների զարգացմանը:
Հանձնաժողովի նախագահի դիտարկմամբ հաշվի առնելով ընտրական համակարգի հետ կապված աշխարհում տեղի ունեցող զարգացումները՝ ակնհայտ է, որ ընտրատարածքային ընտրական հանձնաժողովները պետք է ունենան առանձնացված շենքային պայմաններով եւ ժամանակակից տեխնոլոգիաներով հագեցած մարզային նստավայրեր: «Մենք ծրագրում ենք 10 մարզերում ունենալ նստավայրեր: Միջազգային գործընկերների կողմից ստացվել է դրական արձագանք, եւ ԱԺ ընտրություններից հետո նախաձեռնվելու է դրանց ձեւավորման գործընթացը»,- ընդգծել է Վահագն Հովակիմյանը: