Ամիօ բանկի կանոնադրական կապիտալը համալրվել է 20 միլիարդ ՀՀ դրամով: Համալրման վերաբերյալ որոշումն ընդունվել է 2025 թվականի դեկտեմբերի 18-ին կայացած բանկի բաժնետերերի ընդհանուր ժողովում:
Բանկից հայտնել են, որ համալրման արդյունքում 2026թ. ապրիլի 6-ի դրությամբ բանկի կանոնադրական կապիտալը կազմում է 210 միլիարդ ՀՀ դրամ:
«Կապիտալի համալրումը միտված է բանկի ռազմավարական ծրագրի իրականացմանը՝ շեշտադրելով հատկապես բանկի մրցակցային դիրքի ամրապնդումն ու բիզնեսի ընդլայնմանն ուղղված նախաձեռնությունների իրականացումը:
Ներդրված միջոցները կնպաստեն բանկի դինամիկ աճին եւ շարունակական զարգացմանը՝ ապահովելով կայունություն ու նոր հնարավորություններ հաճախորդների համար»,- ասվում է բանկի հաղորդագրությունում:
Բանկը վերահսկվում է ՀՀ ԿԲ կողմից: