Իրանը միջնորդներին ներկայացրել է խաղաղության պայմաններ, այդ թվում՝ վնասի փոխհատուցում և պատժամիջոցների վերացում։ Այս մասին Риа Новости-ին ասել է Կահիրեում Իրանի դիվանագիտական առաքելության ղեկավար Մոջթաբա Ֆերդոուսիպուրը։
«Մենք ունենք պայմաններ պատերազմը դադարեցնելու համար։ Մենք տարածաշրջանում միջնորդների միջոցով խնդրում ենք փոխհատուցում, բոլոր պատժամիջոցների վերացում և ագրեսիայի չվերսկսման երաշխիքներ»,- ասել է Ֆերդոուսիպուրը։
ԱՄՆ նախագահ Դոնալդ Թրամփը նախկինում հայտարարել էր, որ Վաշինգտոնն ու Թեհրանը արդյունավետ բանակցություններ են վարել։ Իրանի արտաքին գործերի նախարարությունը հերքել է ուղիղ երկխոսությունը, սակայն հայտարարել է, որ Թեհրանը միջնորդների միջոցով հաղորդագրություններ է ստացել Վաշինգտոնի՝ հակամարտությունը դադարեցնելու համար երկխոսության մեջ մտնելու ցանկության մասին։