RUMELS Management Solutions մասնագիտացված խորհրդատվական ընկերության հերթական վերլուծությունը, որը հրապարակվում է Banks.am կայքում բացառիկ հիմունքներով:
Վերջին 25 տարիների ընթացքում Ռուբեն Մելիքյանը զբաղեցրել է պատասխանատու ղեկավար պաշտոններ տարբեր ոլորտներում գործող ընկերություններում՝ ձեռք բերելով փորձառություն տնտեսության բազմապիսի ճյուղերում՝ ներքին եւ արտաքին աուդիտ, մանրածախ ու մեծածախ առեւտուր եւ բանկային համակարգ: Ռուբեն Մելիքյանը ACCA-ի լիակատար անդամ է, Oxford-ի համալսարանի շրջանավարտ (Executive MBA), ինչպես նաեւ ստացել է New York-ի համալսարանի «Բիզնեսի խորացված գնահատում» մասնագիտացման հավաստագիր (Certificate on Advanced Corporate Valuation)։
Սույն հետազոտության նպատակն է վերլուծել Հայաստանի բանկային համակարգի հիմնական ֆինանսական ցուցանիշները 2025 թ. համար:
Զուտ շահույթ
2025 թվականի ընթացքում Հայաստանում գործող բանկերի ընդհանուր զուտ շահույթը կազմում է 421 մլրդ ՀՀ դրամ, ինչը 60 մլրդ ՀՀ դրամով կամ 17%-ով ավելի է, քան 2024 թվականի գրանցած արդյունքը։
Բանկային համակարգի կապիտալի եկամտաբերությունը (ROE) 2025 թվականին կազմել է շուրջ 21,4%։
Բոլոր բանկերը գրանցել են շահույթ նշված ժամանակաշրջանում։
Ամենամեծ շահույթը արձանագրել է Արդշինբանկը շուրջ 137 մլրդ ՀՀ դրամով։ Բանկը նաեւ առաջատարն է ըստ ընդհանուր ակտիվների։
Վարկային պորտֆել
Բանկային համակարգի ընդհանուր վարկային պորտֆելը 2025 թվականի ընթացքում աճել է 22,7%-ով։
Առ 31.12.2025թ. ընդհանուր վարկային պորտֆելը հավասար է 7,7 տրիլիոն ՀՀ դրամ եւ կազմում է ընդհանուր ակտիվների 60%-ը։
Նշված ընդհանուր վարկային պորտֆելը ներառում է մանրածախ եւ կորպորատիվ վարկեր։
Ամենախոշոր 5 բանկերի (Ամերիաբանկ, Արդշինբանկ, Ակբա բանկ, Ամիօ բանկ եւ Ինեկոբանկ) ընդհանուր վարկային պորտֆելները կազմում են բանկային համակարգի ընդհանուր վարկային պորտֆելի 64,4%-ը:
Ամերիաբանկի մասնաբաժինը ամենամեծն է՝ 21,7%:
Պարտատոմսեր
Բանկային համակարգի կողմից թողարկված պարտատոմսերի մնացորդը 2025 թվականի ընթացքում աճել է 18 մլրդ ՀՀ դրամով կամ 3,5%-ով։
Առ 31.12.2025 բանկային համակարգի կողմից թողարկված պարտատոմսերի մնացորդը կազմում է շուրջ 526 մլրդ ՀՀ դրամ։
17 գործող բանկից պարտատոմսեր թողարկել է 13-ը։
Ընդհանուր կապիտալ
2025 թվականի ընթացքում Հայաստանի բանկային համակարգի ընդհանուր կապիտալն աճել է 398 մլրդ ՀՀ դրամով կամ 22%-ով ու կազմել 2,17 տրիլիոն ՀՀ դրամ։
Նշված ժամանակահատվածում հետեւայլ բանկերը ավելացրել են կանոնադրական կապիտալը ընդհանուր 160 մլրդ ՀՀ դրամով՝
– Արդշինբանկ՝ 97,5 մլրդ ՀՀ դրամ
– Ամիօ բանկ՝ 20 մլրդ ՀՀ դրամ
– IDBank՝ 17 մլրդ ՀՀ դրամ
– Ամերիաբանկ՝ 7,1 մլրդ ՀՀ դրամ
– Ինեկոբանկ՝ 6,7 մլրդ ՀՀ դրամ
– Ֆասթ Բանկ՝ 6 մլրդ ՀՀ դրամ
– Յունիբանկ՝ 5,4 մլրդ ՀՀ դրամ
2025 թվականի ընթացքում 9 բանկ վճարել է դիվիդենտներ ընդհանուր 183 մլրդ ՀՀ դրամ՝
– Արդշինբանկ՝ 138 մլրդ ՀՀ դրամ (որից 97,5 մլրդ ՀՀ դրամ ուղղվել է կանոնադրական կապիտալի ավելացմանը՝ սովորական եւ արտոնյալ բաժնետոմսերի տեսքով)
– Ինեկոբանկ՝ 10 մլրդ ՀՀ դրամ
– Յունիբանկ՝ 8,4 մլրդ ՀՀ դրամ
– IDBank՝ 7 մլրդ ՀՀ դրամ
– Ակբա բանկ՝ 6,6 մլրդ ՀՀ դրամ
– Կոնվերս Բանկ՝ 4,3 մլրդ ՀՀ դրամ
– ԱրարատԲանկ՝ 4 մլրդ ՀՀ դրամ
– Evocabank՝ 3,1 մլրդ ՀՀ դրամ
– Հայէկոնոմբանկ՝ 1,5 մլրդ ՀՀ դրամ
Նշված եւ այլ ժամանակահատվածների ֆինանսական վերլուծությունները հասանելի են այստեղ: