Իլոն Մասկի տիեզերական ընկերության՝ SpaceX-ի խորհրդատուները կանխատեսում են, որ այն կարող է փորձել ավելի քան 75 մլրդ դոլար ներգրավել ԱՄՆ-ում բաժնետոմսերի առաջնային տեղաբաշխման (IPO) ընթացքում, գրում է The Information-ը՝ վկայակոչելով քննարկումներին ծանոթ աղբյուրին:
Financial Times-ը, Bloomberg-ը և այլ լրատվամիջոցներ նախկինում հաղորդել էին SpaceX-ի՝ IPO-ի միջոցով մինչև 50 միլիարդ դոլար ներգրավելու ծրագրերի մասին։ Reuters-ը հաղորդել է, որ ընկերության գնահատումը կարող է հասնել 1.75 տրիլիոն դոլարի։ The Information-ը հաղորդում է, որ SpaceX-ը կորոշի առաջարկի իրական չափը և դրա գնահատականը IPO-ից մի քանի շաբաթ առաջ։
SpaceX-ի IPO-ն նախատեսվում է անցկացնել այս տարվա հունիսին: Financial Times-ն ավելի վաղ հայտնել էր, որ Իլոն Մասկը ցանկանում է ընկերության՝ բորսա դուրս գալը համապատասխանեցնել աստղագիտական իրադարձությանը (Վեներայի և Յուպիտերի միացմանը), ինչպես նաև իր ծննդյան օրվան: The Information-ի համաձայն, SpaceX-ը իր IPO-ի պրոսպեկտը կներկայացնի ԱՄՆ կարգավորող մարմիններին այս շաբաթվա վերջին կամ հաջորդ շաբաթվա սկզբին։
SpaceX IPO-ով Իլոն Մասկը նպատակ ունի կապիտալ ներգրավել Starlink արբանյակների միջոցով արհեստական բանականության տվյալների կենտրոն տեղակայելու համար: IPO-ից առաջ նա միավորեց SpaceX-ը իր արհեստական բանականության xAI ստարտափի հետ: Միավորված ընկերության գնահատումը կազմել է 1.25 տրիլիոն դոլար։
Իլոն Մասկը մնում է աշխարհի ամենահարուստ մարդը՝ ըստ Forbes Real-Time Billionaires-ի համաշխարհային վարկանիշի: Մարտի 25-ի դրությամբ նրա զուտ կարողությունը գնահատվել է 825 միլիարդ դոլար: