Քաղաքականություն
25.03.2026 | 15:47
Իրանի խորհրդարանի խոսնակ Մոհամմադ Բաղեր Ղալիբաֆը զգուշացրել է Վաշինգտոնին՝ «չփորձարկել Իսլամական Հանրապետության վճռականությունը՝ պաշտպանելու իր տարածքը», այն բանից հետո, երբ հաղորդվեց, որ Միացյալ Նահանգներն ավելի շատ զորքեր է ուղարկում Մերձավոր Արևելք։
«Մենք ուշադիր հետևում ենք տարածաշրջանում ԱՄՆ-ի բոլոր շարժումներին, մասնավորապես, զորքերի տեղակայմանը։ Այն, ինչ գեներալները կոտրել են, զինվորները չեն կարող շտկել։ Փոխարենը նրանք կդառնան Նեթանյահուի մոլորությունների զոհը։ Մի՛ փորձարկեք սեփական հողը պաշտպանելու մեր վճռականությունը»,- նշել է Ղալիբաֆը X-ում անգլերենով գրառման մեջ։
Ավելի վաղ լրատվամիջոցները հաղորդել էին, որ ԱՄՆ Պատերազմի նախարարությունը նախատեսում է լրացուցիչ զորքեր տեղակայել Մերձավոր Արևելքում՝ Իրանում գործողություններին աջակցելու համար։
Թարգմանությունը՝ Էմմա Չոբանյանի